106
Song Boen Pin di dalem aer, tentoe marika itoe djoega menjesel hati, maka kita harep anakoe djangan landjoetin itoe moesoean, begitoe poen Tia Ing Lim dia bri ingat djoega.
Serenta soeda sore Tio Ing Lim bersama Lioe Si Djoen minta permisi poelang.
Kombali tjerita tempo keramean loembaän perahoe itoe kadoea harinja, Hoa Siauw IJa ada di panggoeng IJan I Lauw, soeka-soeka hati minoem arak, tetapi Song Boen Pin dapet sakit demem, tida bisa bangoén dari tempat tidoer, dan Song Boen Djaij panggilin moerid-moeridnja kira ada 70 atau 80 orang, akan poekoel 8 prampoean bagoes, tetapi tida bisa kedjadian sebab Liok Hoe Djin kentjeng printah 8 prampoean tida bole keloear, maka itoe mendjadi Song Boen Djaij senantiasa menjesel hatinja.
Tjerita lagi Lioe Si Djoen bersama Tio Ing Lim serenta poelang di pondok lantas masoek di dalem kamar toelisnja Tio Ing Lim akan tengok Lioe Hin, dan lantas masoek dalem roema akan kasi taoe intjinja Lioe Taij Nio, baroelah omong-omongan ada boedjang kasi taoe, jang Hwat In Tjing datang akan liat sakitnja Lioe Hin, dan
