97
Boen Djaij merasa amat sakit, dan dia terpaksa boeat minta ampoen.
Tjerita Song Boen Pin satelah djato dalem aer maka dia bernang pergi ka perahoenja, dengan pakean basa, dan ketemoe pada soedaranja Song Boen Djaij, bedoea pada maloe besar, takoet kaloe ketahoean pada dia poenja moerid jang bernama Hoa Siauw IJa, sasoedahnja loembaän perahoe itoe boebaran, dan kebetoelan, Tio Ing Lim pergi di Lam Ho akan nonton, dia dapet liat orang pada berkroemoen, serenta dia datang liat betoel boedjangnja Lioe Si Djoen jang bernama Lioe Hin, badannja pajah dari djato dalem aer.
Di sitoe Tio Ing Lim minta dengan hormat pada orang jang nonton itoe, sigra jang soeka kasi toeloengan boeat angkat Lioe Hin ka roemanja dan dia maoe kasi oewang 200 bidji boeat beli arak.
Sasoedahnja sampe di Tio Ing Lim poenja roema itoe Lioe Hin terbawa masoek dalem kamar dan Tio Ing Lim masoek dalem roema tjerita-in pada bininja, (Lioe Taj Nio).
Lioe Taij Nio serenta dengar itoe perkataän lantas dia terkedjoet, dan dia tanja di mana ada dia poenja soedara Lioe Si Djoen, maka dengan
74
