Liauw Tjay.
319
dengar pada keloear boeat pergi tengok, lantas keliatan betoel jang semalem ini orang jang datang pasang hio, lagi jang dia dapet dengar dia ada bilang bapa dan anak soedah saling ketemoe, djadi dia terlaloe poenja girang sekali, lantas pergi samperin di pingir soengei kasi dia slamat.
Dengan sigra Lie Tian Tjo samboet itoe Tosoe adjak dia masoek di dalem praoe, laloe membilang banjak trima kasi jang soedah toeloeng adjarin taroh itoe niat, dan bole di poedji soengoe ini Toapekkong poenja moestadjep jang bole di katakan ada angker sekali.
Iloe Tosoe lantas sahoetin berkata: saija Siauw To semalem maoe soeroe Lo Kisoe boeat taroh itoe niat berkaoel, soepaja Lo Kisoe bapa anak bole saling ketemoe, dan Lo Kisoe tiada maoe pertjaja saija poenja moeloet, sekarang ini baroe Lo Kisoe dapet taoe ini Toapek kong jang begitoe poenja moestadjeb, bole di bilang sama djoega kaja orang bersoewara lantas bole dapet keliatan, sekarang ini baroe Lo Kisoe pertjaja, saija Siauw To poenja pengomongan tiada djoesta, akan tetapi jang Lo Kisoe poenja niat, tjepat bole di bajar bakal ada bae.
Lie Tian Tjo lantas pangil Lie Koei, soeroe pergi ambil dia poenja oewang 5 tahil perak boeat kasi ini Tosoe poenja persen, dan lagi dia minta toetoeng sama ini Tosoe, soeroe bli sepasang babi kambing sama lilin hio, boeat sembajang poenja barang maoe bajar itoe kaoel, sehabisnja itoe Tosoe lantas trima itoe oewang pergi bli barang-barang bikin sedia, komedian soedah tengah hari itoe Tosoe lantas oendang Lie Tian Tjo bapa anak pasang hio bajar itoe kaoel. Lie Tian Tjo lantas bawa 300 tahil mas boeat bajar itoe kaoel, jang dia niat maoe bantoe betoelin itoe bio poenja perkara, lantas dia pasang hio sembari bilang sama Toapek kong, jang ini bari dia bajar itoe kaoel.
Sehabis dia taroh itoe oewang di hadepan Toapekkong, sembari pangil itoe Tosoe soeroe dia trima ini oewang masoekin di dalem boekoe, maka Lie Tian Tjo lantas pesenin sama ini Tosoe bilang berkata: ia tapi angkau misti tjepat pangil bas toekang roema boeat bikin betoel ini bio, di blakang hari nanti akoe datang kombali boeat kasi persen jang Losoe poenja soesa. Tosoe angkat tangan dan menarima itoe oewang.
Itoe Tosoe lantas adjakin Lie Tian Tjo bapa anak, masoek di dalem hormatin kasi dia minoem thee, dan boeka medja dari itoe barang sembajang di masak adjak dia makan, soedah habis, lantas Lie Tian Tjo adjak dia poenja anak pergi toeroen di praoe, itoe hari djoega dia berangkat berdjalan dapet angin jang baek, berdjalan tiada satoe hari lantas sampe di roemanja Lie Tjoen Eng dan Lie Tjoen Eng lebi doeloe naek kasi kabar sama dia poenja mah piara dan bininja, di bilang jang dia dari Ouw Kong pergi di bio Ang Ong soedah ketemoe dia poenja bapa, sekarang ini ada sama-sama balik datang, dia poenja mah piara itoe prampoean boedjang sama dia poenja istri Pouw Si dengar, lantas sadja pergi samboet boeat saling ketemoe. Lie Tian Tjo lantas bri trima kasi sama itoe prampoean boedjang, jang soedah toeloeng piara dia poenja anak.
Lie Tjoen Eng lantas prenta orang soeroe angkat bawa naik dari bapanja poenja barang-barang di dalem praoe, sehabisnja lantas bikin pesta oendang sekalian sebla menjebla dia poenja tetanga boeat dateng minoem,
