Liauw Tjay.
297
sama Lie Tian Tjo bilangin berkata: Lo Siangkong tiada oesa menangis lebi bae kita pergi sadja di bilangan Boe Houw.
Tjerita Lie Tjoen Eng jang dia djatoh di dalem aer, beroentoeng dia dapet sapotong kemodi djadi itoe dia tiada bisa tingelam, ini jang betoel bole di boeat heran dan di boeat gegetoen, itoe soengei dengan aernja begitoe poenja deres serta angin amat kentjengnja, mengapa dia tiada toeroet dari angin dan aer poenja toeroen, bole dia anjoet naik papasin itoe aer sama djoega kaja ada orang seret dan tarik, dengan sabentaran bole liwat 2 pal lebi, anjoet sampe di soongei Boe Tjiang Kang bilangan Pek Yang Wan poenja tempat, kabetoelan ketemoe satoe praoe orang tangkep ikan.
Lantas masing-masing itoe toekang tangkep ikan dapet tengok ada orang anjoet, dia tjepat pergi poengoet toeloengin bikin idoep, masing-masing kirain ini Lie Tjoen Eng poenja di dalem badan ada banjak bawa oewang, sebabnja dia tengok pakeannja ada bagoes, djadi masing-masing preksa tjari tiada ada dia poenja oewang, lagi dia liat jang betoel ini satoe anak moeda kira-kira dia poenja oemoer anam toedjoe blas taoen, dan maoe pergi boewang kombali di kali lagi tiada ada itoe atoeran. dan lagi dia maoe toeloengin soeroe orang bawa naek kedarat, tiada ada tempat jang bole di boeat kirim, dia lagi sedang berpikir kaget dia dapet liat di pingir soengei ada satoe orang prampoean boedjang satengah toewa dateng maoe tjoetji badjoe, dan masing masing itce toekang tangkep ikan tengok begitoe, kenalin betoel ini prampoean boedjang Koei Khoa Hoe, lantas dia boeka soewara kaokin sama ini prampoean boedjang berkata: ia atji apa ada bae djoega, sekarang ini akoe soedah dapet poengoet satoe anak moeda, dan tiada ada tempat jang bole di boeat kirim, sekarang akoe soeka boeat kasi sama atji, itoe prampoean boedjang dengar begitoe lantas sahoetin berkata: djika betoel maoe kasi sama akoe ada bae djoega, tetapi dengan sekarang ini moesin begini dingin, djangan sampe bole dia dapet keroesakan, kau tjepat bole bawa naik gotong bawa sampe di akoe poenja roema, dan masing-masing itoe toekang tangkap ikan, lantas dia soeroe satoe orang jang koewat gotong ini Lie Tjoen Eng bawa di roemanja ini orang she Koei prampoean boedjang.
Ini prampoean boedjang memang soeka sekali beramal pake hati jang bae, dia poenja roema tiada berdjaoehan di itoe pingir soengei, dan itoe toekang tangkep ikan barang sampe di roemanja, teroes dia tjokolin Lie Tjoen Eng die petengahan.
Ini prampoean boedjang Koei Khoa Hoe lantas tjepat ambil brapa potong badjoe di toekarin sama dia, sehabis lantas di bawa masoek ka kamar kasi dia tidoer, dan keloearin 300 tangtji kasi persen sama ini toekang tangkep ikan, soepaja dia bole boeat bli arak aken berminoem.
Dan Lie Tjoen Eng jang soedah dapet diangkat, serta dia bebalik menengok ada satoe prampoean satengah toewa, lagi pegang satoe mangkok berdiri disamping lantas dia tjepat bangoen berloetoet serta membri trima kasi, jang mah soedah toeloeng bikin idoep saija poenja djiwa, ada apa jang saija bole boeat balas mah poenja boedi.
Itoe prampoean boedjang lantas angkat bangoenin sama Lie Tjoen Eng berkata: ia angkau troesa boeat bilang begitoe, akoe maoe tanja kau
