284
Liauw Tjay.
Haij Soeij tengok dia sampe begitoe poenja sanget, iang betoel ati, paksa maoe adjak makan, dia apa bole boeat lantas bilang, kapan Hoedjin maoe kasi minoem tiada tjela sama akoe, dan hormatin sampe begitoe misti akoe menoeroet iang sebetoelnja akoe maloe trima makan, dan belon ada keliatan akoe poenja pertoeloengan, tetapi djangan keliwat pake ongkos, beli segala roepa, dan bole apa sadja iang ada keloear, akoe trima djangan di bikin banjak tjape.
Oen Hoedjin lantas parinta boedaknja bikin sedia makanan sajoer-sajoer dengan arak soeroe diatoer di atas medja, abis disoeroe dia masing-masing berdoedoek lagi pergi oendangin tetanganja sama dia poenja Tjin Tong Tjek nama Thio Goan, boeat datang soeroe temanin dia makan, Haij Soeij sama temannja doedoek di medja makan minoem, Oen Hoedjin laloe pergi masoek di kamarnja dia tengok anaknja beda, iang tadi malem poenja roepa tiada sama, dan sama djoega kaja orang bae poenja matjem, barang dia tengok dia poenja iboe datang masoek dia angkat dia poenja tangan toendjoek di bawa tempat tidoer, ada satoe tempajan goetji, abis dia pake tangannja dia andein itoe setan, soedah masoek di tempajan goetji poenja maksoed, dia poenja iboe soedah dapet taoe, lantas begitoe djoega keloear pergi di petengahan, adepin masing-masing bilang kasi taoe, Haij Soeij lantas berkata, betoel ini setan taoe akoe poenja datang, dia tiada tempat boeat pergi semboeni sebab itoe dia lari masoek didalem tempajan goetji, begitoe djoega itoe tempajan poenja moeloet dia soempel toetoep nanti akoe tempelin sapotong hoe, troesa takoet nanti dia bole lari tempat laen, masing-masing berkata ada betoel begitoe.
Oen Hoedjin adjak Haij Soeij anterin sampe di kamar Thio Kiong Hoa Siotjia dan Siotjia pergi semboeni masoek dalem bangta, Haij Soeij menanja itoe tempajan goetji ada disebla mana, Oen Hoedjin lantas parinta dia poenja boedak, pergi ambil keloearin, ini boedak lantas ambil angkat tiada bisa bergerak, bilang heran ini satoe goetji tempajan kosong kenapa bole begini poenja berat, sari-sarinja akoe sebla tangan bole angkat bawa keloear, sekarang doea tangan tiada bole bergerak, Haij Soeij berkata, kau bole mingir sadja toengoe akoe bole ambil, dia djalan deket depan tempat tidoer dia toendoek masoek di kolongnja sebla tangan oesoet tarik tiada berat, lantas ketawa berkata, djangan dia soedab lari orang-orang bilang belon dia lari kapan dia maoe lari soedah lebi siang, masa dia maoe masoek dalem goetji tempajan, memang setan banjak dia poenja akal, sengadja bikin enteng boeat pedajain kita, Haij Soeij berkata, akoe tiada perdoeli dia ada atau tiada, akoe maoe soempel toetoep tempelin hoe.
Begitoe djoega dia soeroe orang ambil pit, bak kertas, dia troes toelis tempel di itoe moeloet tempajan goetji, dan parinta soeroe orang angkat, bawa keloear pergi tanem itoe tempajan goetji di kaki goenoeng.
Oen Hoedjin dengar lantas toeroet dia poenja soeroehan, dan membri dia beriboe trima kasi, dan Thio Goan kombali adjak dia masing-masing doedoek minoem arak lagi, maka Oen Hoedjin teroes masoek dalem kamar anaknja akan sengadja menanja sama dia poenja anak seraja berkata, baroesan kau tengok begimana itoe ibelis poenja tingka, maka dia poenja anak Thio Kiong Hoa berkata, baroesan keliatan itoe setan beriap-riapan ramboet roepanja ada djahat sekali, dia bingoeng sanga-sanga dia soedah kendiri bilang, bole ini Haij Siauw Po datang disini maka tingkanja kaja orang lari maoe tjari tempat semboeni, lantas dia girang masoek di kolong tempat tidoer, dia poenja badan dia gojang bikin ketjil, masoek dalem tempajan goetji, saija anak begitoe djoega djadi badan seger lantas bae, sebabnja iboe datang masoek, saija tiada brani boeka soeara besar, takoet nanti itoe setan lari, iang tadi itoe satoe orang Haij Siauw Po dia ada apa poenja ilmoe hoatsoet, dan setan ibelis bole takoet sama dia.
Dia poenja iboe dengar dalem hatinja pikir berkata, dia sebetoelnja satoe Sioetjaij, setan bole basai dia Siauw Po, doegahan itoe orang di blakaag hari dapet pangkat iang besar, dan dia bebalik ingat dari anaknja poenja djiwa, dia iang toeloengin bikin idoep, tiada apa bole boeat balas, lebi bae dari ini anak kasi dia kawin sadja boeat laki, soepaja ada seperti iang kita, separo boeat anak
