282
Liauw Tjay.
manoesia poenja asep hio, kau kenapa tiada menoeroet di atas langit poenja ke-
maoehan, joema maoe temaha bikin djoesta sama manoesia, minta segala kaoeian,
soedah begitoe kau kenapa sama setan berboelak maoe satoe kongkol rangsokin
orang prainpoean moeda, akoe Haij Soeij idoep mendjadi orang jang benar pake
ati lempang tiada bengkok, malem siang akoe poenja uti tangar sadia adepin
di atas langit, bakal tiada maloe boeat ketemoe sama orang, kan dimana poeuja
ibelis brani djadi malaikat, lant s dia banting kakinja toeding, kau beton mave
taloek trima dosa abis dia berkata lantas itoe boneka roeboe djato sendirinja
sampe antjoer.
Masing-masing tengok lantas tepuk tangan ketawa, didalem dia poenja teman ada satoe orang berkata, tetapi ini Toapekkong Tanah tiada misti di bikin dia djato petja, sekarang ini Hajj Heng soedah begitoe melangar makı-in, sebab itoe Toapekkong mendjadi mara dia boeat toendjoek kasi kau taoe dia poenja badan, Hajj Heng misti trima sala bakal betoel, Haij Soeij dengar mendjadi mara ber- kata, kau betoel sama seroepa gelap boetak poenja pikiran, kenapa tiada maoe bantoein akoe bikin roeboe ini bio, bole berbalik toeloengin sama dia bikin sala sama akoe, tiada ada atoeran.
Dan ada lagi satoe temannja tengok Haij Soeij itoe poenja roepa beroba, lantas dia berkata, Haij Heng iang betoel orang tjengtit, tiada sembarangnja, bakal setan Topeakong semoea soedjoet taloek, sekarang ini soedan maki toedi- ngin sama ini Toapekkong, bole itoeng sampe, kita masing-masing misti pergi tjari itoe orang she Thio poenja roema, bakal betoel.
Haij Soeij berkata, kapan begitoe baroe ada atoeran iang patuet, lantas ma- sing-masing laloe dari itoe bio pergi tjari itoe orang she Thio poenja roema, itue orang she Thio dari ini djalanan besar tiada brapa djaoe djoembla ana 200 roema, semoea orang she Thio, ini iang kena anaknja di rang-okin. orang she Thio prampoean boedjang poenja anak prampocan, oemoernja 15 taoen, nama Kiong Hoa, roepanja sama djoega kembang seperti giok, serta tuoe soerat mengarti dan taoe adat, lagi tambahan ada tjinta ochauw sama mah bapa, bapanja dipanggil Thio Tji, dapet satoe pangkat dari militair, sebabuja orang dari Djepang ana bikin hoeroe hara djadi mati dalem pepran-an, dia poenja istri Oen Si, djadi bawa ini satoe anak prampoean siotjia, dari oemoer 10 taoen, dia djaga piara sampe sekarang soedah 6 taoen poenja lama, sebabnja boelan sha gwee tjeng beng, mah anak pergi di koeb er, tiada doega di tenga djalanan ketemoei ini ibelis setan Ong Siauw Sam, dia orang prampoean boedjang ikoet sampe di roemanja, maoe minta dia di sembajangin, itoe satoe malem Kiong Hoa bertidoer, di tena tempat tidoer kaget tengok ada satoe orang beriap-riapan ramboetnja, serta melelet dia poenja lida adepin maoe minia makan, Kiong Hoa dapet kaget sampe semangatoja laloe dari badan, barang dia berkaok bilang ada setan, lantas matanja giap nja- waknja panas, moeloetnja sembarangnja memaki, sembarangnja ketawa, terkedjoet dia poenja iboe tiada taoe sakit apa, panggilin sinshe doktor datang tengok bilang dia tiada sakit kena kerangsokan seian, dia poenja iboe terkedjoet pikir-pikir ini sakit tentoe di tenga djalanan poelang dari koeboer, plahan-plahan pereksa baroe dapet taoe, di samping djalanan ada satoe bio Toapekkong Tanah, dan pikirin berkata, di tenga djalanan dan koeboeran poenja setan, tentoe Toapek- kong Tanah poenja pegangan, lebi bae kita pergi meniat di itoe bio minta Toa- pekkong bole oesir atau kita sombajangin, siapa bole taoe abis pasangin hio bakarın kertas di bio, ini Thio Kiong Hoa mingkin tambe kras moeloetuja boeta toeli mengatjo.
Maka dia poenja anak kata sama iboenja, hei angkan begitoe brani pergi di bio Touw Tee boeat kelak sama akoe, sabetoelnja akoe dapet parenta sama Allah ta Allah boeat dateng disini. sebabnja angkau doeloe hari tempo doedoek pangkat ada berniat taro kaoel sampe sekarang belon di bajar, dan Allah ta Allah men- djadi mara dan bilang kau djoesta pedajain Sinbeng, sebab itoe di parenta akoe dateng ambil sama kan, djika mage bae misti kan bajar itoe kavel, kapan tiada maoe bajar, nanti akoe ambil dia poenja djiwa bawa pergi di sananja.
Maka dia poenja iboe dengar sambil berpikir, tempo doeloe belon ada berniat
