Liauw Tjay.
269
itoe pengomongan, ini Bok Soe Houw satoe per satoe dia maoe menoeroet, lagi dia bilang kasi taoe tiada bole di samain iang tempo kau djadi Sioetjaij dan misti maoe pake atoeran orang berpangkat ada anter pandjer bawa persalinan, dan lantas pili hari iang bae bikin sedia segala barang iang mi-ti maoe di pake, sebab iang ia soedah mendjadi Tjoan Oen Soe poenja mantoe.
Tjerita Khouw Tek Houw dia lebi doeloe soeroe dia poenja istri, boeat pergi mengomong sama Kim Giok Nio, sembari di boedjoekin bilang berkata: dari kau poenja entia ada kesian iang kau tingal boedjang maoe di kawinin dan tjari-in satoe anak moeda iang ada pangkat, begimana kau poenja pikiran apa soeka atau tiada.
Kim Giok Nio lantas berkata: saija memang asal orang miskin tetapi taoe djoega segala atoeran, soedah kawin sama orang she Bok misti menoeroet satoe sadja sampe mati, tetapi soengoe ini orang she Bok soedah tjela saija miskin dan boewang sama saija, dan saija tiada ada itoe hati maoe ikoet sama laen orang lagi, djadi orang bocat ketawahan bikin boesoek selama-lamanja saija poenja nama, habis dia kata lantas mendjadi sedi betjoetjoeran dia poenja aer mata.
Dan istri Khouw Tek Heuw iang soedah preksa Kim Giok Nio hatinja sangat tiada maoe berkawin lagi, djadi ia apa bole boeat bilang troes trang dan berkata: akoe baroesan bilang ini anak moeda iang dapet pangkat memang sabetoelnja itoe Bok Kee Sioetjaij, sebab kau poenja entia gergetan sama dia, iang dia loepain tempo doeloe hari orang poenja bae di bales kedjahatan, soepaija maoe bikinkan soewami dan istri bole bertakep ketemoe lagi, djadi di bilang sama dia iang entia poenja anak betoel, dan maoe soepaja dia bole datang masoek tjintjoewe, soedah di soeroe masing-masing bawa pangkat boeat toeloeng pergi bitjarain sampe Bok Kee djadi menoeroet soeka boeat datang masoek, dan tingal tiada brapa hari dia maoe kawin, bole toengoe sampe dia masoek tjinpang kau bole bikin begini begitoe sama dia, soepaja bole balas iang doeloe hari dia soedah djorokin sama kau, Kim Giok Nio barang dengar begitoe tjepat tjit dia poenja aer mata, membri trima kasi kepada Khouw Hoedjin, dan sampe itoe waktoe hari kawin lantas Bok Soe Houw berpake badjoe iang serba baroe, datang di roema Khouw Tek Houw akan masoek tjintjoewe, serta di iring sama segala tjipsoe tetaboehan Khouw Gak, dan banjak dia poenja temen-temen pangkat pada menganter dia sampe di roema kemanten prampoean Khouw Tek Houw lantas berpake pergi keloear samboet sama masing-masing adjakin dia doedoek minoem thee, dan Bok Kee teroes masoek ka dalem bertemoein sama kemanten prampoean, itoe waktoe Bok Kee di dalem hatinja amat poenja girang sekali, dia tiada kira disamping pintoe kamar sekoenjoeng-koenjoeng keloear 7-8 boedak toewa (Liauw Wan), satoe per satoe pada membawa satoe potong bamboe Tekpee, apabila dia tengok nonanja bangoen dari tempat doedoek, lantas itoe masing-masing boedak pada kroeboetin poekoel hantam sama Bok Kee, sampe dia poenja kopia teplanting djatoh di batoe, dan di poekoel dia poenja blakang sampe seperti toeroen kaija oedjan, Bok Kee bertreak sekoewat-koewatnja sampe tergoeling beglisa di batoe, sembari dia kaokin pangil mertoewa lelaki dan mertoewa prampoean boeat minta foeloeng dia poenja djiwa, dan kaget dia dapet dengar soewara kemanten prampoean bekaok katanja: akoe sekarang balas boeat poekoel sama kau sebab kau djadi orang iang tiada ada poenja ingetan bocat balas dari orang poenja kebaikan, sebetoelnja akoe maoe poekoel kan sampe mampoes, apa bole boeat akoe ampoenin sama kau bole bangoen sadja mari saling tengok, itoe masing-masing boedak dapet dengar nonanja kata begitoe, baroe pada brenti poekoel bebaris berdiri disamping, Bok Kee lantas bangoen boeka soewara berkata: ia akoe ada apa poenja kedosahan, lantas dia angkat moeka awasin baroe dia kenalin iang betoel, ini kemanten prampoean boekan laen orang, ia dari dia poenja istri iang mati nama Kim Giok Nio.
Bok Kee itoe waktoe dia poenja semangat pada terbang, dan roesoe dia poenja moeloet berkata: ada setan dan ada ibelis, masing-masing itoe boedak meliat pada geli ketawain, dan baroe keliatan Khouw Tek Houw dari loear masoek bilang berkata ia mantoe troesa boeat tjemboeroehan, dia ini dari kali Tjaij Sek
