Liauw Tjay.
247
brenti. Lantas Lauw Pok masoek koembali ka dalem pangkengnja Lauw Hoei Nio di mana ia lantas tanja pada Lauw Hoei Nio, serta
Lauw Hoei Nio dengar inkonja poenja perkatahan lantas ia menangis koembali dengan tiada bisa soedah dan dari dia poenja resia ia tiada maoe bilang pada inkonja. Begitoe djoega iboenja kasi tahoe satoe persatoe dari Lauw Hoei Nio poenja resia, serta Lauw Pok dengar lantas ia mendjadi kaget troes berkata: Djikaloe begitoe ada Lauw Hoei Nio poenja pekerdjahan boleh mendjadi maloe ini perkara, lebi baek iboe djangan kasi ade Lauw Hoei Nio kloear dari ini pangkeng
dan apa djoega sendjata tadjam ataoe tali lekas iboe pindain di lain tempat dan boleh koentji pintoenja ini pangkeng biar tinggal kosong.
Apabila Tang Sie dengar Lauw Pok poenja perkatahan lantas ia kloear dari itoe pangkeng adjak Lauw Hoei Nio dan itoe pintoe pangkeng lantas di koentji.
Maka terseboetlah tjerita Lie To Koan tetangganja Lauw Peng Gie, serta ia dengar di dalem roemahnja Lauw Peng Gie ada soeara orang riboet, begitoe djoega Lie To Koan dateng di roemahnja Lauw Peng Gie itoe sembari Lie To Koan menanja pada Lauw Peng Gie: Sobat poenja roemah ada apa perkara sampe begitoe riboet?
Dari pertanjahan Lie To Koan itoe 1 auw Peng Gie tiada sahoetin, kerna ia tiada maoe boeka itoe resia, dari itoe Lauw Peng Gie lantas kloearken lima poeloe tangtji kasi pada Lie To Koan, soepaja dia poenja resia djangan di boeka, Lie To Koan lantas ambil itoe doeit dan lantas ia djalan kloear poelang di roemahnja, dari sitoe Lie To Koan pergi di roemahnja Pwe Kioe Lo di mana ia kasi tahoe pada Pwe Kioe Lo dari resianja Lauw Peng Gie poenja anak prampoean. Apabila Pwe Kioe Lo dapet tahoe Lauw Peng Gie poenja resia, hingga Pwe Kioe Lo mendjadi mara dengan berkata: Koetika hari jang kita mace bikin hari kawin, Lauw Tjin Khe tiada maoe toeroet. Sekarang kita poenja mantoe bekerdja barang jang tiada patoet. Sasoedahnja Pwe Kioe Lo berkata-kata begitoe, lantas Pwe Kioe Lo pergi di roemahnja Lauw Peng Gie, serta Pwe Kioe Lo sampe di roemahnja Lauw Peng Gie itoe, lantas Pwe Kioe Lo menanja pada Lauw Peng Gie: Itoe waktoe Tjin Khe bilang Tjin Khe poenja anak prampoean masi ketjil tiada mace di kasi kawin doeloe, mengapa sekarang Tjin Khe simpen satoe maling di dalem roemah serta bikin roesak Tjin Khe poenja anak prampoean djoega bikin kepiran saja poenja anak lelaki.
Serta Lauw Peng Gie dengar itoe perkatahan, hingga dia poenja moeka mendjadi mera kerna dari merasa maloe maka Lauw Peng Gie lantas berkata: Saja djoega mendjadi heran sekali jang saja poenja anak prampoean berboeat itoe perkara resia, itoe waktoe saja kiratjeém Soen Khoaij Hoe poenja anak prampoean djadi penganten, tiada tahoe dia poenja anak lelaki jang menjaroe djadi penganten serta dia bikin roesak saja poenja anak prampoean apa maoe kata sekarang ini seperti bras soedah mendjadi boeboer.
