20
Liauw Tjay.
bangoen ia doedoek di pintoe itoe kamar, waktoe Kong Seng Seh lagi doedoek, kaget ada satoe orang toewa Pek Taij Kong kloear membri hormat pada Kong Seng Seh sembari berkata: Sasoedahnja Senseh poentja adjaran sama saja poenja anak djanganlah ambil sobat soepaja adjar dengen soenggoe hati. Begitoe djoega itoe orang toewa kasi pakean dan kopia dan kos, sasoedahnja Kong Seng Seh trima itoe pakean, lantas itoe orang toewa soeroe sedia makanan, sasoedahnja ia lantas adjak Kong Seng Seh makan, sahabisnja makan lantas itoe orang toewa bangoen dari krosinja dan ia ambil toengketnja troes ia masoek ka dalem, djadi itoe anak moeda bersama sama Kong Seng Seh doedoek makan dari pagi sampe sore sambil beladjar ilmoe soerat sama Kong Seng Seh, sasoedahnja itoe anak moeda abis makan lantas ia prenta sa-orang boedaknja soeroe ambil dia poenja pipé sekalian panggil satoe boedak prampoean. Sasoedahnja itoe boedak ambil itoe pipé dengan adjak itoe boedak prampoean, lantas itoe anak moeda prenta koembali itoe boedak dengen berkata: Angkaoe tjoba lihat Pek Taij Kong apa soedah tidoer apa belon, djikaloe Pek Taij Kong soedah tidoer angkaoe boleh panggil Hiang No dateng di sini. Sasoedahnja itoe boedak lelaki trima prenta ia lantas masoek ka dalem boeat lihat itoe Pek Taij Kong apa dia soedah tidoer ataoe belon, kebetoelan itoe waktoe Pek Taij Kong itoe soedah tidoer, maka itoe boedak lantas adjak boedak prampoean Hiang No kloear dateng di tempat makannja itoe Kong Tjoe. Adapoen iloe Hiang No poenja roepa terlaloe amat elok serta pakeannja terlaloe amat indah, maka serta itoe Hiang No soedah sampe di sitoe bersama itoe boedak lelaki, begitoe djoega itoe anak moeda prenta itoe Hiang No boeat berpantoen sembari boenjiïn itoe pipé, sasoedahnja Hiang No trima prenta dari dia poenja Kong Tjoe lantas ia boenjiïn itoe pipé sembari menjanji dengan soewara jang amat merdoe, sampe Kong Seng Seh denger mendjadi soeka hatinja sembari berpikir tiada bisa soedah dari sebab memandang Hiang No poenja roepa terlaloe amat tjakap serta ia poenja tingka lakoe terlaloe amat elok, oleh sebab itoe maka Kong Seng Seh poenja hati djadi timboel birahi pada Hiang No.
Serta itoe Kong Tjoe lihat mendjadi tertawa sembari berkata: Inko poenja perlihatan sanget sekali mendjadi heran, soepaja inko tinggal di sini setengah tahon lamannja baroe inko bole poelang.
Begitoe djoega Kong Seng Seh menanja pada itoe Kong Tjoe: Di waktoe ini saja poenja hati banjak pikiran antero malam tiada bisa tidoer belon taoe apa saja poenja pikiran sampe saja loepa makan.
Lantas itoe Kong Tjoe berkata: Saja lihat inko poenja njawak begitoe koeroes, belon tahoe apa jang inko pikirin. Sasoedahnja itoe Kong Tjoe abis bitjara lantas ia troes djalan masoek ka dalem dia poenja roemah. Long Seng Seh lantas masoek di dalem kamarnja mendjadi sakit kerna ia boeat pikiran itoe hari tempo ia plesir
