Liauw Tjay.
187
demikian djoega itoe orang toewa kasi itoe kitab Pek Swee Sioe Heng Keng sembari berkata: Angkaoe trima ini kitab saban hari boleh di batja dengan bersoedjoet kepada Taij Jang Seng Koen dan Taij Im Seng Koe, djikaloe kaoe soedah bersoedjoet dengan sanget hati, kaoe boleh mengamal ini kitab sama orang di dalem doenia, soepaja orang di dalem doenia boleh taoe Taij Jang Seng Koen dan Taij Im Seng Koen poenja toeloengan, djikaloe kaoe bisa menoeroenken mengamalken sama orang di dalem doenia dalem sepoelo kitab, tentoe kaoe di kaboelken sama Toehan jang koeasa kasi keslamatan kaoe poenja diri, djikaloe kaoe bisa mengamalken sama oaang di dalem doenia boeat seratoes kitab, Toehan Allah mengaboelken di dalem seroemah tangga poenja keslamatan dan djikaloe kaoe bisa mengamal seriboe kitab serta kasi mengarti orang di dalem doenia samoeanja, maka Toehan jang koeasa kaboelken kaoe poenja anak tjoetjoe tinggal senang di dalem doenia dengan keslamatan, sekalian kaoe poenja hari toewa kaoe poenja aloes boleh melajang poelang kasorga, djoega kaoe membatja ini kitab tjoemah memake hati jang patoet, djangan soeka mendjoestain orang di dalem doenia, apa djoega kaoe poenja makan boleh toeroet bagimana biasa, atsal kaoe poenja tingka lakoe dengan djalan betoel begimana matahari dan boelan berdjalan di doenia, dari itoe kaoe bisa pegang itoe perkara djoega sampe kaoe poenja kesoedjoetan pada Toehan Allah, dari itoe kami poenja pesenan kaoe djangan loepa. Sasoedanja Lee Djin Sian trima itoe kitab, membri hormat pada itoe orang toewa, semantara itoe, lantas itoe orang toewa hilang tiada ketahoean kemana perginja, begitoe djoega Lee Djin Sian bawa poelang itoe kitab ka roemahnja.
Maka di tjeritaken poela Jauw Tong sasoedanja sampe di roemhanja, serta ia lihat dia poenja tiga anak lelaki dan doea anak prampoean bersama dia poenja istri antero hari bikin plesiran, demikian djoega Jauw Tong lantas panggil dia penja istri dan anaknja, sasoedahnja lantas Jauw Tong berkata: Sekarang ini harta banda samoeanja istri boleh merawatin soepaja boleh boeat piara ini anak anak samoeanja, kerna saja poenja ingetan maoe pergi bertapa di atas goenoeng, tjoemah saja maoe bawa ini ongkos doea riboe tail boeat bikin mengamal di mana gredja jang roesak ataoe orang jang miskin dan jang lain istri boleh ambil boeat merawatin roemah tangga
Setelah istrinja dengar mendjadi soeka hati boeat trima itoe harta banda jang ada di dalem roemah. Lantas Jauw Tong ambil doea riboe tail dan sigra ia berangkat djalan kloear dari roemahnja
Sjahadan di tjeritaken poela Lee Djin Sian soedah sampe di itoe geredja lantas ia doedoek di sitoe sembari membatja kitab Pek Swee Sioe Heng Keng itoe, maka samoeanja orang jang pergi kapasar dapet lihat Lee Djin Sian lagi membatja kitab itoe, maka marika itoe masing-masing lantas mampir di itoe geredja dan tanja pada Lee Djin Sian: Kace batja itoe kitab goenanja apa boeat kita manoesia di doenia?
Lantas Lee Djin Sian berkata: Djikaloe sobat-sobat maoe mengamal
