Liauw Tjay.
185
toeroenan pake hati baek serta memboeat kebadjikan, tapi dari kami poenja timbangan kaoe poenja kake mojang maka dhoeloe hari bisa berharta oewang, tentoe dia itoe poengoet sewa tanah atawa sawah dan roemah atawa pegang gade telah mengambil oentoeng terlaloe berat dari orang jang miskin itoe, maka kaoe poenja tiga toeroenan bisa berharta oewang, maskipoen angkaoe mengamal berlaksa kali dengan oewang pada orang jang soesah, tetapi itoe orang jang soesah ada di dalem doenia memang dhoe oe hari marika itoe banjak berboeat kedjahatan dari hati jang kedjam, maka ia di toeroenken di doenia djadi orang jang melarat, waktoe kaoe bisa kasi oewang sama dia orang boeat toekar hari dan toekar tahon, samoeanja itoe orang bilang kaoe berhati baek, djikaloe kaoe tiada bisa kasi ongkos sama itoe orang jang melarat, tentoe itoe orang tjela dari kaoe poenja hati temaha sajang sama harta, djadi kaoe bisa toeloeng orang jang soesah, kaoe bilang pake hati baek, tapi kami poenja timbangan tiada bergoena, melainken djikaloe orang maoe pake hati baek dengan pikiran jang patoet bisa menimbang perkara jang adil dan djangan soeka mendjcestaken sama orang, dari itoe saban hari melekat ada di samping kita boeat menjaksiken kita poenja kelakoeau dan ingetan, djikaloe soedah betoel itoe melekat pergi ka sorga melaporken pada Toehan jang koeasa dari kita poenja kabaekan, maka Toehan jang koeasa menoeroenken kita poenja anak tjoetjoe djadi orang jang senang, djangan kaoe boeat menjesel jang angkaoe soedah boeang oewang di boeat ongkos begitoe banjak, dari itoe oewang tiada bisa toetoep kaoe poenja kedjahatan pada Toehan jang koeasa, preksa perkara manoesia di doenia, kendatinja kaoe tiada ada satoe kepeng oewang kaloe kaoe bisa pake hati jaag adil djoega tiada hilang kaoe poenja kebaekan, kendatinja manoesia tiada tahoe Toehan jang koeasa djoega soedah tahoe kaoe berhati baek, sekarang maoe bitjara apa lagi?
Lantas Jauw Tong berkata : Di kota See Kang ada saorang bernama Tio Pek Djin pekerdjahannja djahat soeka ambil orang poenja harta banda dan anak bini orang; dia poenja anak tjoetjoe samoeanja djadi orang berpangkat besar dengan senang ada di doenia, tjoemah Tio Pek Djin mengandelken atsal toeroenan Srie Baginda Keiser merk Song Tiauw, maka di dalem negri poenja pembesar tiada brani preksa perkaranja Tio Pek Djin, itoe saja mendjadi heran orang djahat di kaboelken anak tjoetjoenja mendjadi senang, kaloe bagitoe peratoeran doenia tiada adil, maka saja harep Pauw Taij Djin boleh preksa itoe perkara.
Apabila Pauw Boen Tjim dengar itoe pengadoean, ia mendjadi mara lantas ia prentah opas boeat panggil Tio Pek Djin, semantara itoe Tio Pek Djin dateng bersama sama itoe opas mengadap di depan pengadilannja Pauw Boen Tjim, begitoe djoega Pauw Boen Tjim menanja: Angkaoe poenja pekerdjahan apa jang kaoe boeat hidoep mendjadi satoe orang hartawan ?
Lantas Tio Pek Djin berkata: Kendatinja saja tiada tahoe mengamal pada orang jang soesah, tapi saja dagang dan poengoet sewa
