182
Liauw Tjay.
apa djoega kita poenja pertoeloengan, teiitoe itoe sobat inget sedikit boeat membales kita poenja boedi, djikaloe ada orang poenja ingetan di kasi baek di bales djahat, kita toeloeng mendjadi senang melainkan Toehan jang maha koeasa poenja perkara, tiada nanti Toehan jang koeasa membedain redjeki kita mingkin menambah tiada mendjadi koerang, djikaloe kita bisa piara orang beratoes djangan menjela ongkos makannja atsal kita setia hati, djoega Toehan Allah nanti kaboelken kita poenja redjeki boeat kita mengoeroes dan siang dengan malem kita bermoehoen pada Toehan jang koeasa djangan sampe kita poenja badan orang piara, kendatinja kita kasi orang ongkos djangan orang kasi kita ongkos boeat piara kita poenja diri, dari itoe tjoetjoe djangan loepaken dari saja poenja pesenan, dan tjoetjoe boleh lihat ini soerat jang dari tjoetjoe poenja orang toewa.
Serta Thio Sie dan Lie Gan Tjeng lihat mendjadi heran troes ia membri trima kasi pada Lauw Goan Tjin jang soedah banjak memboeang boedi padanja serta dengan sabar hatinja, demikian djoega Lauw Goan Tjin berkata: Sekarang Kong Tjoe Tian Joe soedah besar soepaja di bikin tetap dengan Hong Beng Sio Tjiah.
Serta Thio Sie dengar mendjadi soeka hatinja sembari berkata: Begimana Teehoe poenja maoe saja toeroet
Demikian djoega Lan Soen Sio Tjiah lantas bangoen dari krosi sembari berkata: Ini hari saja trima tiatia poenja boedi saja belon bisa bales, saja poenja inkoe The Kie Bit ada poenja satoe anak prampoean bernama Siok Koan Sio Tjiah, sama ade Tian Sek sama oemoer soepaja tiatia bikin berdjodoan.
Lantas Lauw Goan Tjin berkata: Begimana Sio Tjiah poenja maoe, djoega tiatia misti toeroet
Demikian djoega Lie Gan Tjeng toelis sekeping soerat akan membri tahoe pada Srie Baginda Keiser Song Djin Tjong, dari perkaranja Lauw Goan Tjin satoe persatoe, dan sekalian Lie Gan Tjeng toelis sepoetjoek soerat boeat kasi pada The Kie Bit, sasoedahnja Lie Gan Tjeng toelis itoe soerat, lantas ia prentah satoe orang boeat bawa itoe soerat, maka itoe orang lantas pergi bawa soerat itoe ka kota radja.
Alkaisah terseboetlah Srie Baginda Keiser Song Djin Tjong semajam di tachta keradjahan dalem astana, maka tatkala itoe Srie Baginda Keiser dapet soeratnja Lie Gan Tjeng, Baginda mendjadi soeka hatinja sembari memoedji dari Lauw Goan Tjin poenja boedi sampe begitoe baek, maka Lie Gan Tjeng poenja pangkat nama kesohor di koeliling negri sa-orang jang inget orang poenja boedi soetji dia poenja hati. Itoe waktoe The Kie Bit djoega dapet kabar dari Lie Gan Tjeng, jang dia jioenja anak prampoean Siok Koan Sio Tjiah soedah djadi berdjodoan dengan Kong Tjoe Lauw Tian Sek, maka The Kie Bit mendjadi soeka hati.
Sampe di blakang hari Kong Tjoe Lauw Tian Joe bersama Xong Tjoe Lauw Tian Sek dateng di kota radja aken bikin eksamen,
