132
Liauw Tjay.
dengan ia kasi tahoe artinja satoe persatoe, tiada ada jang sala, hingga Tan Kian Sian Seng mendjadi beran sasoedahnja ia dengar perkataännja Gan Tjoen palsoe itoe, dari itoe maka Tan Kian Sian Seng lantas kasi tahoe pada Kho Hoan Gwee dari hal kepinterannja Gan Tjoen palsoe.
Serta Kho Hoan Gwee dengar Tan Kian Sian Seng poenja perkataan, ia djadi lebi soeka hati, kerna ia soedah dapet tahoe terang bahwa jang bakal djadi manioenja saorang jang amat pinter, maka Kho Hoan Gwee lantas prenta dia poenja boedak soeroe sedia barang makanan dan minoeman, apabila soedah sedia itoe makanan dan minoeman di atas medja lantas Kho Hoan Gwee adjak Gan Tjoen palsoe doedoek makan bersama Joe Sin dan Tan Kian Sian Seng serta Kho Piauw doedoek makan sama-sama, sasoedahnja habis makan lantas Kho Hoan Gwee kasi tahoe sama Joe Sin, katanja: Sekarang saja soedah pe- noedjoe sama Gan Siang Kong, djikaloe boleh saja minta Gan Siang Kong dateng di sini boeat kawin, sebab saja poenja istri Kim Sie amat tjinta sama dia poenja anak prampoean, nanti toenggoe di boelan Tjap Djie Gwee Tjeh Djie di itoe hari soepaja bikin tetap Gan Tjoen Siang Kong dateng di sini boeat kawin.
Lantas Joe Sin berkata: Dari itoe perkara melainkan Hoan Gwee poenja maoe saja djoega toeroet. Sekarang saja maoe minta permisi poelang doeloe. Sasoedahnja Joe Sin habis bitjara ia lantas adjak Gan Tjoen palsoe dan Siauw It, membri trima kasi troes berangkat djalan ka pinggir soengei di mana ia lantas toeroen di praoenja, maka praoe itoe berangkat djalan poelang ka kota Soh Tjioe.
Adalah di tjeritaken poela Gan Tjoen toelen jang lagi doedoek di roemahnja dengan menoenggoe kabar dari bal perkara kawin dengan anaknja Kho Hoan Gwee, selagi Gan Tjoen toelen berpikir dari hal itoe, pada koetika itoe sampelah praoenja Tjie Tjeng, di mana Tjie Tjeng lantas naek ka darat bersama-sama Joe Sin dan Siauw It troes berdjalan poelang di roemahnja Gan 1 joen toelen. Serta Tjie Tjeng bersama Joe Sin dan Siauw It sampe di roemahnja Gan Tjoen, di lihatnja pintoe roemah itoe tertoetoep, lantas Tjie Tjeng ketok pintoe itoe, jang mana sekoetika itoe djoega Gan Tjoen boeka pintoenja, maka Tjie Tjeng bersama Joe Sin troes masoek di dalem roemah itoe di mana ia lantas doedoek bersama-sama Gan Tjoen, begitoe djoega Joe Sin kasi tahoe pada Gan Tjoen, satoe persatoe dari hal perkara Kho Hoan Gwee soedah djadi dengan soedah di tetapken hari kawin itoe jang nanti di bikin pada boelan Tjap Djie Gwee Tjeh Djie.
Apabila Gan Tjoen dengar kabar itoe jang di kasi tahoe oleh Joe Sin, maka Gan Tjoen mendjadi soeka hatinja dan sigra djoega Gan Tjoen ambil doea poeloe tail oewang perak kasi persent pada Joe Sin, sasoedahnja Joe Sin trima itoe oewang lantas ia membri trima kasi pada Gan Tjoen dan sekoetika itoe djoega Joe Sin berangkat djalan poelang ka roemahnja.
Sedari Gan Tjoen dapet tahoe jang ianja bakal djadi kawin dengan Kho Tjioe Hong Sio Tjiah pada boelan Tjap Djie Gwee Tjeh Djie,
