Liauw Tjay.
97
di kota Kwa Tjioe di sana sobat boleh toekar lain praoe boeat pergi di kota Lam Kiah.
Lantas Song Kim Long berkata: Djikaloe begitoe ia baek djoega. Lantas itoe praoe troes berangkat pergi di kota Kwa Tjioe.
Kiar-kira tiada antara lamanja Song Kim Long poenja praoe sampe di kota Kwa Tjioe, tempo itoe praoe soedah brenti di pinggir soengei, lantas Song Kim Long naek ka darat di mana ia lantas tjari roemah makan boeat dia menoempang, samentara itoe Song Kim Long dapet satoe roemah makan di dalem kota itoe, maka Song Kim Long poen balik koembali ka praoe, serta ia sampe di itoe praoe, lantas ia soeroe itoe toekang praoe angkat naek itoe peti, sasoedahnja itoe toekang praoe angkat toedjoe peti bawa masoek di dalem roemah makan, maka jang satoe peti tinggal di itoe praoe, demikian djoega Song Kim Long lantas berkata sama itoe toekang praoe: Itoe satoe peti jang masi ada di praoe, memang saja soedah berdjandji maoe persent pada sobat, soepaja sobat rame-rame boleh bagi sebrapa adanja di dalem itoe peti poenja barang.
Begitoe djoega itoe toekang praoe lantas boeka itoe peti, sasoedahnja terboeka klihatan di dalemnja itoe peti ada berisi barang-barang pakean dari soetra jang aloes aloes matjemnja, lantas itoe toekang praoe bagi satoe persatoe pada kawannja dari itoe barang pakean soetra, sasoedahnja lantas Song Kim Long poelang di roemah makan setelah ia sampe di roemah makan lantas ia soeroe panggil toekang koentji, tempo itoe toekang koentji soedah sampe di roemah makan serta ketemoe sama Song Kim Long, lantas Song Kim Long soeroe bikin satoe koentji, sasoedahnja djadi itoe koentji lantas Song Kim Long boeka satoe peti, ada poen di dalem itoe peti banjak berisi oewang mas dan moestika-moestika jang mahal harganja, lantas Song Kim Long ambil satoe oewang mas jang beratnja kira-kira satoe tail maka itoe oewang ia kasi persent sama itoe toekang koentji, sasoedahnja itoe toekang koentji trima itoe oewang lantas ia berangkat poelang ka roemahnja. Demikian djoega Song Kim Long masoek di dalem kamar di mana ia lantas ambil satoe moestika dari kerang, sasoedahnja ia lantas kloear bawa itoe moestika di dalem kota hendak di djoeal sama soedagar toko moestika, serta Song Kim Long sampe di toko moestika, lantas ia kasi liat itoe moestika sama itoe soedagar, itoe soedagar taksir harganja itoe moestika seriboe tail oewaug mas, maka Song Kim Long lantas djoewal itoe moestika sama itoe soedagar, serta Song Kim Long dapet itoe oewang jang di bajar oleh soedagar itoe, maka dengan sigra Song Kim Long berlaloe dari toko itoe berdjalan poelang ka roemah makan sembari berpikir, djikaloe kita tinggal lama di dalem ini roemah makan kita slempang nanti toekang roemah makan boeat tjoeriga hati pada kita, lebi baek kita lekas tjari satoe roemah jang besar kita beli dengan harga jang patoet, soepaja kita boleh tinggal senang di kita poenja roemah sendiri, soepaja ini resia djangan sampe orang dapet tahoe, sasoedahnja Song
