— 1176 —
Menginget sampe di sitoe Lian Eng djadi gemes dan sedi, roepa-roepa pikiran di itoe saät telah menjerang dalem hatinja. Achir-achir ini gadis jang hendak berlakoe setia telah ambil poetoesan nekat pada sablon laen orang berboeat apa-apa pada dirinja. Begitoelah satelah dapet ini pikiran, Lian Eng lantas berontak dari pegangannja Heng Hoa, di waktoe mana dengen sakoeat-koeatnja ia gentoesin kapalanja pada ban-besi, jang dilapisken pada pinggiran praoe.
Beroentoeng Heng Hoa bisa berlakoe sebet dan kaboeroe tarik tangan nonanja, jang kaloe tiada tentoe otaknja aken berarakan; sekalipoen begitoe tiada oeroeng Joe Si dapet loeka berat di kapalanja, hingga dengen berloemoeran dara ia djato di atas pangkoeannja Heng Hoa.
Tempo kedjadian ini perkara, boekan sadja Hok Tjoen, toekang-toekang praoe poen djadi kalang kaboet.
Dengen nangis menggeroeng-geroeng Heng Hoa sowek badjoenja sendiri dan laloe boengkoes loekanja Joe Si. Itoe gadis liatin moeka boedaknja dengen sorot terharoe.
„Kenapa Siotjia djadi begini?" begitoe Hok Tjoen menanja dengen roepa bingoeng.
„Ini semoea ada Siangkong poenja lantaran apa lagi!" kata Heng Hoa dengen menjentak.
„Dalem hal ini kau tiada boleh salaken akoe,
Ko Teng Tjan
15.
