— 1168 —
baek, sampe akoe koerang pertjaja dan dateng kamari. Sekarang njata itoe orang soeda tiada ada, soenggoe akoe tiada abis mengarti hingga kau poenja pikiran djadi begitoe!"
„Soeda, dalem ini perkara akoe tiada maoe banjak tjerewet!" kata Lian Eng jang kaliatan djadi sengit: „Kaloe iboe tiada perijaja dan begitoe djoega kaloe brani, mari akoe anter ka roemanja Gak Loija dan kau boleh berdami sendiri di sana!"
Mendenger Lian Eng kata begitoe, apa boleh boeat ini prempoean toea bikin soeda itoe perkara. Tapi sebaliknja ia ada taro harepan boeat djoeal Lian Eng pada pamoeda-pamoeda hartawan, jang lantaran kaelokannja tentoe bisa dapet harga bagoes. Begitoelah dengen boedjoekan manis pada itoe hari ia soeda bisa adjak iloe nona poelang ka kota. Sedari tinggal di itoe roema, brapa kali Ong Ma prenta ia samboet tetamoe, tapi Joe Si selaloe menampik, hingga kadang-kadang terbit perijektjokan moeloet antara itoe nona dan ma poengoetnja.
Sebab tiada dapet laen djalan boeat sampeken maksoednja, achirnja dengen diam-diam ini prempoean toea berdami sama itoe pengoeroes hotel dan minta ia poenja bantoean boeat djoeal Lian Eng pada siapa jang maoe bli. Sedari trima itoe pesenan, baroe itoe hari ini pengoeroes roema
