— 1166 —
kira-kira baroe anem atawa toedjoe blas taon. Taon jang laloe brapa orang moeda dateng minta, antara mana ada djoega anaknja saorang hartawan di sini."
― „Dan kenapa tiada di kasi?"
― „Kerna orang tiada bisa penoeken permintaän iboenja jang maoe kasi anaknja kaloear pintoe dengen tiada kasi koerang dari sariboe tail perak."
Setelah beromong-omong poela sedikit lama, achir-achir Hok Tjoen ambil poetoesan boeat meliat doeloe, kaloe gadis itoe di penoedjoe ia poen tiada sajang aken kaloear banjak oewang.
Pembatja tentoe ingin taoe siapa adanja itoe gadis jang di bitjaraken di atas. Gadis itoe poen boekan siapa, hanja Joe Lian Eng, jang pada itoe tempo soeda di tarik poelang oleh Ong Ma dan tinggal di roema pelesiran di dalem kota.
Sedari singkirken Keng Hoa pada itoe malem liwat brapa hari kamodian Ong Ma telah kirim orang boeat ambil Kou Siotja, tapi oleh Lian Eng di djoestaken jang orang itoe blon semboe betoel dari loekanja. Brapa kali Ong Mà kirim orang tapi selaloe dapet djawaban begitoe, maka achir- achir ia merasa tjoeriga dan dateng sendiri ka tempat Lian Eng, aken menjaksiken apa bener Keng Hoa blon semboe atawa begimana.
Soeda tentoe sadja itoe tempo Joe Si tiada bisa semboeniken lagi resianja tetapi maski begitoe
