— 1163 —
tjita dan kaen-kaen soetra, menoeroet sebagimana perbilangannja Bauw Hian barang-barang itoe ada paling keras lakoenja. Di sitoe Hok Tjoen moelai dagang dan koeliling di pasar-pasar; sorenja barang itoe semoea abis terdjoeal dan bisa tarik kaoentoengan bagoes.
Meliat kaoentoengan jang di dapet pada hari pertama ada begitoe bagoes, Bauw Hian djadi sanget girang, sedeng Lo Keng sekalipoen boekan pedagang telah toeroet merasa girang, maka pada esok paginja ia maoe adjak lagi Hok Tjoen pergi blandja seperti kemaren.
„Nanti doeloe," kata Hok Tjoen pada itoe doea orang sembari tertawa: „akoe poenja maksoed dateng ka mari sekali kali boekan niat berniaga, banja ada mengandoeng niatan laen. Bagi kau, Bouw Hian, ada orang jang paling taoe begimana Dji Hoa sering berlakoe padakoe; djoega boekan sadja ia sering menghinaken akoe, poen ia soeda tiada pegang djandjinja tiada maoe poelang ka Tin Kok Hoe, hingga membikin akoe tiada dapet moeka dari orang tot Wa sendiri. Dengen bilang maoe berniaga sabenernja akoe maoe tjari prampoean jang disetoedjoe boeat akoe poenja istri, maka sekarang kau tentoe mengarti akoe poenja maksoed?'
Bauw Hian manggoetin kapalanja, selang sedikit lama baroe ia berkata: „Apa jang Siangkong
