— 1100 —
nja Hok Tjoen, hingga ini anak doerhaka djadi semingkin moemboel: „Lagi sekali akoe nanti bitjaraken itoe perkara padanja.......”
„Dan kaloe ia tiada trima lagi begimana?" menanja Hok Tjoen jang roepanja ini dapet kepastian lebi doeloe.
„Kaloe ia masi banjak rewel akoe sendiri nanti pergi bitjaraken. „kata Soen Nio.
Dengen satoe treakan girang itoe anak doerhaka tepok poendaknja Soen Nio dan berkata: Ja, kaloe maoe dapet mantoe jang tjakep.memang moesti djalan sendiri, tiada moesti mengandelin laen orang!"
Itoe kelakoean jang menengil oleh Soen Nio dianggap loetjoe, kerna koetika itoe ini doea orang lantas tertawa.
Tiada liwat djem, itoe hari djoega Djimpo soeda moesti kombali lagi ka roemanja Bauw Wan-gwe, di mana ini ma propot telah disamboet oleh ini orang hartawan dengen sorot djemoe.
„Begimana, ini lamaran sasoenggoenja terlaloe lewer!" kata Bauw Kong: „Toch kemaren akoe soeda bri kepastian, itoe lamaran oeroengin sadja kaloe orang tiada moefaket dengen akoe poenja kahendak. Sekarang kau dateng lagi apa jang maoe dibitjaraken?"
Djimpo mengarti, bahoea ia soeda terlaloe menebel dalem ini oeroesan perdjodoan, maka
