— 1160 —
Bauw Si djoega soeda lama ada kandoeng niatan maoe soeroe swaminja berdagang, maka kabetoelan dibitjaraken hal itoe, ia soeka membri lima ratoes tail perak sebagi poko.
„Apa kau tiada bisa kasi lebi dari sebegitoe?" tanja Hok Tjoen jang merasa djoembla itoe ada terlaloe sedikit.
Boeat pertama kali sabegitoe poen akoe rasa tjoekoep, sedeng ajahkoe tempo permoela berniaga tjoema poko brapa poeloe tail perak sadja." kata Bauw Si. Lagi boeat ini maksoed akoe rasa Ko Taij Taij tentoe soeka bri bantoean, oewangaja gaboeng djadi satoe dan poko itoe djadi bertamba."
Hok Tjoen bri taoe iboenja soeda kasi sariboe tail perak dan ia harep sabegitoe djoega dari Bauw Si, tapi biar begimana djoega ia ini tiada bisa kasi lebi banjak dari lima ratoes tail perak.
Hok Tjoen trima djoega; tapi sebab kwatir tiada tjoekoep ia poelang lagi ka Tin Kok Hoe. Diloear taoenja Soen No ia telah gade brapa petak sawa boeat harga lima ratoes tail perak, kamoedian ia balik poela ka Ho Hap Po dan kasi taoe esok pagi ia maoe brangkat djalan.
Itoe hari Dji Hoa kaliatan berlakoe baek sekali pada Hok Tjoen, adjak berdjamoe dan laen-laen.
„Apa dalem ini perdjalanan Siangkong tiada bawa pengikoet?" begitoe Bauw Si menanja.
Ko Teng Tjan
74.
