— 1155 —
banjak nona-nona jang bagoes, sampe orang boeat seboetan atas prempoean-prempoean di sana. Meliat tingka lakoenja Dji Hoa bagitoe roepa, akoe tiada boleh hadepken selamanja pempoean begitoe dengen tiada ambil laen prempoean boeat djadi istrikoe jang kadoea. Akoe ingin liat begimana itoe prempoean djoedes nanti berboeat bila akoe soeda beristri poela!"
Berhoeboeng dengen itoe niatan djoega roepa-roepanja Hok Tjoen ada mengandoeng niatan laen lagi jang menarik hatinja, kerna itoe tempo ia tersenjoem dan tertawa sendiri.
Tiada selang lama ia treakin Lo Keng, jang sigra djoega soeda dateng mengadep. Sama ini boedjang jang ia rasa paling boleh dipertjaja Hok Tjoen bri taoe ka hendaknja dan menanja, apa bener di Kang Lam ada djadi tempatnja nona-nona tjantik sebagimana orang poenja tjerita.
„Sasoedanja ada poenja istri baroe Siangkong tanja begini, sekarang apa goena?" kata Lo Keng seperti bangoen orang menjeselken.
„Apa tiada mengartį akoe bilang, akoe tiada bisa hadepken istri jang sekarang dengen tiada ambil laen prempoean?" tanja Hok Tjoen dengen teges: Di sini pada Naij-Naij dan sama Dji Hoa akoe bilang maoe pergi berniaga dan minta di kasi oewang boeat poko, tapi sampe di sana akoe maoe pili satoe nona jang paling di penoedjoe bawa kemari."
