— 1149 —
djoeken- angkatan prang bikin penjerangan ka itoe negri besar?
Pak An Ong memang ada mengandoeng niatan boeat gerakin kombali ia poenja angkatan prang, maka koetika adenja bri ketrangan begitoe hatinja djadi lebi tetep.
Semingkin lama boekan dja-
di semingkin roekoen, tapi dja-
di semingkin renggang.—Hok
Tjoen kaliatan maoe melanggar
soempanja.
Oleh kerna apa jang dimaksoedken oleh Pak An Ong blon sampe waktoenja boeat ditoetoerken, maka baek kita tinggalken, dan sekarang kita balik meliat pada Hok Tjoen, jang dari pertama ada kaliatan, ia poenja perkawinan pada Bauw Si aken tiada membawa beroentoeng. Djoega dalem ini oeroesan adalah Soen Nio sendiri jang merasa tjape hati; mantoenja jang diboeat harepan satoe-satoenja telah berbalik begitoe roepa, hingga poetoeslah ia poenja pengharepan jang begitoe besar sedeng begitoe-kendatipoen saban-saban dari fihak mertoeanja teroetama Dji Hoa oetjapken omongan jangtiada sedep boeat Soen Nio, tapi oleh Hok Tjoen di resiaken pada Ko-nja, begitoepoen omong-omongan jang tiada enak dari fihak Soen Nio pada besannja.
