— 1643 —
Po In dan laen-laen poela telah sampe di gedong Tin Kok Hoe, di mana marika itoe telah disamboet oleh Ko Kong dan Lee So Nio dengen hormat.
Itoe orang bangsawan telah dapet kahormatan besar dari mantoenja; di sitoe ia baroe dapet kenjata'an, bahoea pamoeda itoe ada saorang jang berparas tjakep, tingka lakoenja aloes, hingga hatinja djadi girang sekali.
Ko Kong sigra prenta sediaken arak dan barang hidangan, jang mana itoe sekalian tetamoe lantas disilaken doedoek bersantap. Dalem pembitjara'an Gak Kong telah bitjaraken djoega tentang perdjodoannja Wie Siotjia antara Ko Kongtjoe; Kou Kongtjoe dan Tjo Kongtjoe djoega toeroet toendjang itoe oeroesan, hingga Ko Kong djoega menjataken setoedjoe dan tetepken harinja aken kirim barang penetepan atas itoe doea orang moeda poenja perdjodoan.
Sampe sore baroe marika berlaloe dari gedong Tin Kok Hoe.
Di sini kita teroesken pepreksa'an jang terdjadi di kantoornja Gie Soe Souw Toan, di mana pada satoe hari itoe pembesar telah persembaken satoe soerat dari pengakoeannja Kwe Si, Tjo Mama, Leng Tjo, Tong Pit Taijkam, Ang Kok In jang mana Baginda telah bri poetoes djatoken hoekoeman mati. Djoega orang sedalem roema tangganja Lu Kok Tjaij semoea di tangkep tiada ada satoe jang katinggalan, harta bandanja itoe ferdana mantri telah di rampas dan di djadiken kapoenja'annja negri.
Djoega orang-orang politie jang di prenta tjari
