— 1624 —
taloeknja radja Pak Hoan bersama boekoe di mana ada tertoelis nama-nama panglima prang jang berdjasa di medan prang, Baginda Sin Tjong samboetin itoe dengen tersenjoem girang.
,,Sasoenggoenja Keng ada satoe panglima moeda jang mengagoemken orang poenja hati, sampe melebiken kepandean dari saorang panglima jang soeda oeloeng di dalem peprangan," kata Baginda jang menjataken poedjiannja,,,tapi sekarang kami silaken Keng moendoer doeloe, besok kami maoe boeka pesta besar, anoegraken pangkat pada Keng dan laen-laen panglima jang berdjasa."
,,Atas Baginda ampoenja boedi, di sini hamba belon bisa oetjapken trima kasi, kerna hamba ada mempoenjai dosa besar, jang brangkali dengen ini sedikit pahala tiada nanti bisa bebasken itoe kesala'an," saoet Bong Loan.
„Keng ada penoeloeng negri jang teroetama, begimana di kata ada berdosa?" menanja Ba- ginda dengen heran. Tjobalah Keng terangken, kerna hal itoe kami tiada mengarti?"
Lu Kok Tjaij denger perkata'an bakal mantoenja kaliatan djadi kaget sekali. Berhoeboeng dengen itoe, ini dorna soeda mendapet firasat-firasat jang tiada enak.
Dengen mengoetjoer aer mata Bong Loan lantas moelai atoer tjeritanja. Pertama ia bri taoe, bahoea ia sabenernja boekannja Kou Kongtjoe,{{smaller|
Ko Teng Tjan
108
