— 1616 —
orang doedoek beromong-omong sampe hari djadi gelap, di mana kamodian laloe di anter ka tempatnja Bong Loan.
Di sini Tjeng Bwe jang bikin penjamboetan, dan adjak itoe gadis masoek ka dalem, di mana Bong Loan ada berdoedoek mengadepin satoe medja dengen bebrapa lilin penerangan.
Itoelah Kou Lo Ya," kata Tjeng Bwe pada Joe Siotjia.
Ini gadis sigra angkat moekanja memandang pada Bong Loan, tapi ia dapet kenjataän orang.moeda itoe boekannja Kou Kongtjoe. Maski begitoe, tiada oeroeng ia membri hormat dengen berloetoet.
Bong Loan bangoen dari tempat doedoeknja, ia bangoenken pada Joe Si sambil berkata: „Bangoenlah, Nio Tjoe; kau poenja boedi jang soeda menoeloeng akoe poenja djiwa sampe sekarang belon terbales, maka tjara begimana akoe brani trima lagi kau poenja kahormatan."
Mendenger begitoe Joe Siotjia djadi heran. la tetepken orang itoe boekannja In Liong, tapi ia poenja perkata'an membikin hatinja merasa sangsi.
„Doedoeklah, Taijdjin, akoe hendak bitjara apa- apa pada kau," begitoe Joe Si berkata.
Bong Loan doedoek kombali di tempatnja dan kamodian ia menanja, Joe Si hendak bitjara apa?
,,Akoe merasa teramat soekoer bila Taijdjin idjinken akoe kaloear kombali dari sini," kata Joe Si.
