— 1144 —
an pergaoelan marika ada roekoen sekali, hingga sian Wan-gwe djoega toeroet senang di hati, kita pergi liat keada'an di negri Pak Hoan berhoeboeng dengen Poet Hoa Sinsiang poenja maksoed, jang telah membri voorstel pada Pak An Ong aken ambil poelang Ja Loet Tong dari Tiong Goan.
Maksoed-maksoek boeat kasiken oewang sogokan pada Lu Sinsiang soeda di bitjaraken kombali dan oleh Baginda telah di trima baek, malah soeda di oetoes Poet Hoa Sinsiang bersama brapa panglima prang, dengen menjaroe sebagi orang pedagang telah pergi ka Tiong Goan.
Dengen penjamaran tjara begitoe, ini pembesar dan panglima dari negri asing soeda dapet masoek di kota radja dengen tiada membikin orang merasa tjoeriga. la orang satoeroenja laloe ambil tempat di satoe Hotel jang paling sepi dan jang laen-laen. Lebi doeloe Poet Hoa berkenalan pada Lu Jong, soempel moeloetnja ini Taijkam dengen oewang dan moestika, sampe ia ini tiada bisa mengotje lagi tempo Poet Hoa kenalken dirinja siapa dan dateng dengen maksoed apa.
Begitoelah atas perantara'annja itoe orang kabiri doerhaka, pada satoe malem Poet Hoa telah di hadepken pada Lu Kok Taij. Pertama ini pembesar asing kaloearken oewang dan barang permata moelia di hadepannja itoe dorna, jang di itoe Ko Teng Tjan.
