— 1595 —
—,,Betoel itoe akoe loepa; tapi bener-bener akoe bisa madjoekeu itoe orang boeat tetepken akoe poenja pengakoean semoea."
—,,Siapa itoe orang?"
—,,Akoe poenja temen bekerdja. la itoe memang djato tjinta pada swamikoe; akoe taoe ia orang poenja perhoeboengan, dan sebab pikir orang lelaki memang soeda djadi loemranja bisa kedjadian begitoë, maka akoe tiada ambil perdoeli satoe apa." Bong Loan memanggoet.
,,Kau poenja semoea ketrangan akoe trima baek," begitoe ia kata, sekarang akoe maoe menanja, itoe orang jang di panggil Hok Siangkong orang dari mana?"
Itoe njonja mengoendjoek ka gedong Tin Kok Hoe seraja berkata: „Ini gedong besar, adalah roemanja itoe orang moeda jang bertjilaka."
,,Apa Bauw Dji Hoa soeda taoe dateng di sini? Akoe rasa tentoe ia tinggal dalem ini gedong besar bersama swaminja?" menegesin Bong Loan.
,,Kaloe di bitjaraken itoe oeroesan di sini akoe moesti bilang, bahoea Hok Hoedjin itoe haroes di bilang boekan saorang jang beroentoeng," saoet Tjhia Si sembari mengela napas.
,,Kenapa?" tanja poela Bong Loan dengen heran dan ingin mendapet taoe hal itoe.
Tjhia Si lantas toetoerken apa jang soeda ter-
