— 1592 —
kata lebi djaoe. Bauw Dji Hoa, begitoelah namanja itoe nona, telah bikin perhoeboengan resia sama saorang moeda bernama Joe Kong, dan itoe doea orang telah berdaja oepaja boeat binasaken djiwanja Hok Siangkong."
Berkata sampe di sitoe, sateroesnja Tjhia Si lantas toetoerken satoe persatoe apa jang terdjadi, jaitoe begimana ia poenja swami telah djalanken prentahan kedji, begimana Hok Tjoen dan Lo Keng soeda mendjadi korban, dan begimana Joe Lian Eng dan Heng Hoa soeda kena di djeblosken ka dalem pendjara di dalem kota Gie Jang lantaran itoe oeroesan.
Djoega ia bertaoeken, begimana Joe Siotjia dan Heng Hoa soeda djadi beriboetan dan bereboet kadosa'an di hadepan Tek Loija, hingga sampe di itoe waktoe perkara terseboet belon dipreksa.
„Begitoelah doedoeknja akoe poenja penga- doean," kata Tjhia Si kamodian.
Sekarang Bong Loan dan Tjeng Bwe moelai mengarti, maka dalem hatinja itoe doea orang ada bersoekoer pada Allah, jang soeda membikin pembalesan jang setimpal atas Hok Tjoen poenja berbagi-bagi perboeatan jang tjeriwis.
,,Tapi begimana kau poenja swami djoega soeda mendjadi korban dari itoe oeroesan?" menanja Bong Loan.
,,Ini semoea sebab Bauw Dji Hoa poenja ka-
Ko Teng Tjan
101
