— 1539 —
Kami bermoehoen menaloek dengen pengharepan Prins di bikin bebas sebagi orang pertanggoengan, tapi itoe semoea Goanswe tiada trima.
Sekarang kami oetoes Hap Keng Kiongtjoe, harep Goanswe soeka trima sebagi gantinja Ya Loet Sioe San. Poetri itoe boekan kami poenja anak, hanja bole dapet menoeloeng dari dalem satoe kasoesahan. Ia saorang familie Bong, namanja di panggil Ko Loan; ia poenja toendangan sa-orang she Kou nama Tjan, poetranja Kou Han Lim di Djin Ho Koan.
Oleh kerna Goanswe ampoenja she dan nama saroepa sadja dengen toendangannja kami poenja anak poengoet, maka kami silaken Ang Kokkioe dan Poet Hoa Sinsiang anterin padanja ka pasanggrahan Goanswe.
Dari kami:
„PAK AN ONG."
„Adjaib!" kata Bong Loan sasoedanja batja itoe soerat. „In Liong soeda iket tali pertoendangan padakoe, kamodian toeroet ketrangannja Tjo Heng, kombali ia iket tali pertoendangan sama Joe Si. Dan sekarang ada lagi familie Bong namanja Ko Loan, inilah sasoenggoenja bikin akoe tiada abis mengarti, kerna nama itoe kaloe di balik ada soeroep dengen namakoe. . . .oh,
