— 1533 —
„Moestail ia tiadasoeka trima, “ kata Ang Hong Houe, „kita orang soeda memboeang boedi begitoe besar, tiada boleh djadi kaloe ia menampik boeat oeroesan jang begitoe ketjil.”
Pak An Ong njataken setoedjoe sama pikirannja itoe Permisoeri.
Atas titanja Pak An Ong itoe Kiongtjoe tetiron di silaken dateng ka pasanggrahan. Ini radja asing lantaran toeteerken satoe persatoe apa jang menjebabken maka ia di panggil.
Kou In Liong denger begitoe djadi kaget sekali. Ia toendoekin kepala dan berkata dalem hati sendiri: Adjaib! Kenapa ada orang jang namanja begitoe sama, begitoe djoega tempat tinggalnjal. Akoe rasa orang iloe tentoe djoega ada akoe poenja familie atawa sala satoe sobatkoe, kerna kaloe tiada apa perloenja ia pake akoe poenja nama....... "
Berkata sampe di sitoe koenjoeng-koenjoeng ini orang moeda dapet inget pada Kongtjoe, jang sakean lama soeda berpisa'an padanja.
„Apatah brangkali Tjo Boen Pa?” begitoe ia menanja pada hatinja sendiri.
Tapi pertanja'an ini ia tiada lantas bisa benerken, sabelonnja meliat siapa sabenernja itoe orang jang soeda goenaken la poenja nama.
„Baeklah akoe pergi ketemoeken padanja," begitoe achir-achirnja In Liong ambil poetoesan.
