— 1523 —
ada di kirim angkatan prang besar dan soedasampe di moeka kota Gan Boen Koan. Lebi djaoe itoe mata-mata bri taoe, barisannja prins jang mengoeroeng kota tersebeet soeda saling serang menjerang sama tentara moesoe.
Pak An Ong kliatan djadi kaget. la lantas tjari ketrangan dan menanja: „Brapa banjak bala penoeloeng jang dateng di sini?”
„Itoelah kamba tiada taoe, tapi djoemblanja ada begitoe besar, hingga tiada bisa di taksir brapa banjaknja,” saoet itoe djoeroe kabar.
„Siapa jang kepalaken itoe angkatan prang?” menanja poela itoe radja asing.
„Saorang moeda jang dapet gelaran Boe Tjong-goan, she Kou nama Tjan.......”
„Oh, itoe nama rasanja akoe soeda taoe denger, tjoema akoe loepa siapa adanja,” kata Ang Hong Houw dengen sedikit kaget.
„Brapa oesianja itoe panglima?”
„Kira-kira baroe doea poeloe taon lebi.”
„Ha, ha, ha, begimana saorang begitoe moeda soeda di angkat ka dalem djabatan jang begitoe besar!” kata Pak Ang Ong sembari tertawa keras. „Djadi sekarang ada mengoendjoek bagi kita orang, bahoea pemerenta di Tiauw Teng ada kakoerangan orang! Saorang jang begitoe moeda ada mempoenjai kepandean apa? Kasian sekali ia orang poenja dateng ka mari perloenja tjoema boeat memboeang djiwa sadja!”
