— 1521 —
Boeat dapet taoe resianja ka-
pala prang permaenken Kong-
tjoe palsoe. - Djoega prempoe-
an dengen tiada terdoega kete-
moe toendangannja.
Sadjek brangkat ka medan prang, soeda satoe boelan lebi lamanja Pak An Ong tiada mendapet trima kabar apa-apa dari fihaknja ia poenja poetra, maka ini radja asing merasa sanget kwatir jang peprangan itoe ada membawa katjilaka'an bagi marika itoe.
Begitoelah pada satoe hari ia koempoelken sekalian panglimanja, sama siapa ia berkata: „Sa- begitoe lama kami belon dapet kabar apa-apa dengen itoe penjerangan ka kota Gan Boen Koan, maka akoe hendak bermoefaketan begimana baek- nja dalem itoe perkara." 99 „”Sebagimana Baginda taoe, Prins ada sanget gaga, lagi terbantoe oleh bebrapa panglima prang jang soeda terkenal, maka boeat apa Baginda djadi merasa kwatir," saoet itoe bebrapa panglima.
„Tapi hatikoe merasa sanget tiada enak, bila antepin marika itoe dengen tiada membri ban toean apa-apa," kata poela Pak An Ong, „maka akoe ada niatan aken madjoeken seantero barisan ka sana, di mana dalem waktoe jang perloe kita bisa membri pertoeloengan.
