— 1135 —
ini koeda kau dapet dari mana?" menanja Tjo Kongtjoe.
Ini koeda akoe dapet dengen oewang!" saoet itoe orang dengen oendjoek kasombongannja, hingga bikin orang moeda kita merasa djengkel.
„Ja, akoe taoe kau bli dengen oewang, boekan sama pasir!" ia kata poela: "Tetapi akoe maoe taoe kau bli sama siapa dan orangnja sekarang ada di mana?"
—„Orang jang poenja ini koeda soeda mati! Tapi akoe djadi heran, kenapa kau menanja sampe begitoe melit?"
„ Kau djangan omong maen maen! Ini koeda akoe jang poenja jang akoe doedoek berdoea boeat pergi ka kota Gan Boen Koan. Sekarang tjoema ada koeda tapi tiada ada orangnja, ini akoe tiada maoe mengarti, kau moesti lantas kasi ketrangan di mana adanja itoe pendjoeal?"
—„ Ha ha ha! kaloe merasa diri masi terlaloe bodo dan blon pande dalem perkara menipoe, djanganlah sembarangan tipoe orang, sobat, kerna sebaliknja hal itoe bisa bikin tjilaka diri sendiri! Kau taoe, ini koeda akoe dapet bli dari saorang prempoean; dan brangkali sekarang kau maoe bilang, itoe orang prempoean ada kau poenja sobat!"
—„Tida sala, itoelah memang ada akoe poenja sobat! Hajo lekas kasi taoe di mana adanja itoe orang?"
