— 1505 —
riboet di loear pasanggrahan. la doega tentoe itoe
moesoe di soengei Hek Ho dateng menjerang,
maka ia lantas berpake-pake dan ambil pedangnja
dan troes lari keloear.
Tapi ia djadi kaget, itoe swara riboet boekan tentara moesoe, hanja ada barisannja Prins Ya Koet jang soeda dapet karoesakan besar. la djadi sanget kaget, lebi lagi koetika dapet liat Ang Kokkioe bersama bebrapa panglima prang berlari-lari poelang dalem keada'an jang mengewatirken.
Koetika sampe di hadepannja itoe ferdana mantri, Ang Kit Lek Haij dan laen-laen panglima lepasken dirinja sembari menangis, hingga ini Sinsiang djadi semingkin kaget dan doega, tentoe Taij Tjoenja kena di tangkep.
Kokkioe!" kata ia sembari bangoenken itoe pembesar.
Ang Kokkioe bangoen berdiri, tapi ia lemes dan djato kombali.
Poet Hoa Sinsiang mengarti itoe panglima semoeanja merasa lela, maka ia lantas adjak masoek ka dalem dan doedoeki marika itoe di atas krosi.
„Begimanatah, Kokkioe?" menanja Poet Sinsiang kamodian. „Apatah soeda terdjadi dengen kita poenja Prins?"
„Kau aken trima satoe warta djelek, Sinsiang," saoet Ang Kokkioe sambil mengela napas, sedeng matanja berkesip-kesip sebagi orang jang soeda poetoes harepan.
