— 1494 —
Kamodian ia madjoeken koedanja ka itoe tempat.
Bong Loan djoestroe lagi maoe pantjing pada itoe poetra radja, maka ia djadi girang sekali koetika liat Ya Loet Sioe San menghamperi padanja. Tapi sebaliknja ia pikir, kaloe pertempoeran di lakoeken di sitoe tiada bergoena, kerna sekali poen ia bisa dapet roeboeken moesoenja, kawan-kawannja aken membri pertoeloengan, maka dari itoe ia maoe pantjing soepaja itoe Prins kena di djebak lagi ka dalem tipoenja.
Begitoelah tempo itoe Prins dateng memboeroe, sebagi orang ketakoetan Bong Loan lantas lariken koedanja kadjoeroesan sebla Kaler, di mana pernanja ada sedikit lega dan tiada ada tentara atawa panglima moesoe.
Itoe Prins jang njata ada saorang goblok soeda lantas memboeroe koetika liat Bong Loan melariken diri. Ia kira dengen sasoenggoenja orang takoet padanja, kaloe berhoeboeng dengen itoe ia aken di tipoe.
Satelah lari bebrapa li djaoenja, Bong Loan lantas menoleh dan dapet liat Ya Loet Sioe San lagi mengedjer dan tiada djaoe lagi dari padanja. Ia sigra meraba pinggangnja, kaloearken ia-poenja Liong Bwe Koen, dengen sendjata mana ia hendak ambil djiwanja itoe kapala prang.
Tapi koenjoeng-koenjoeng Bong Loan dapet
