— 1492 —
Riboean pana sigra toeroen sebagi oedjan pada tentara Hoan Kok. Ini barang tadjem telah oendjoek pengaroenja jang berasil, saban-saban kaliatan tentaranja Ya Loet Sioe San roeboe ka tana sebab kena di langgar sama itoe sendjata jang berbahaja, hingga dalem tempo sabentaran sadja, bebrapa riboe orang soeda mengglepak dengen tiada bisa berdaja lagi.
Itoe Prins jang bermoela ada begitoe gaga, sasoedanja menampak kasoekeran seperti di atas kaliatan djadi poetoes harepan. Ia tentoe sadja tiada bisa menoeloeng pada tentaranja jang kena terserang begitoe roepa, malahan ia sendiri di badannja ada menantjep brapa pana, jang membikin ia tiada bisa berlakoe nekat lagi seperti tadi.
Semingkin lama, penjerangan itoe boekan semingkin koerang hanja djadi semingkin saroe.
Brapa panglima Hoan Kok tjoba menerdjang sabisa-bisa tapi djoega pertjoema sadja.
Itoe penjerangan di lakoeken troes sampe datengnja fadjar.
Koetika itoe, tentaranja Ya Loet Sioe San tjoema tinggal bebrapa ratoes orang sadja jang tiada dapet loeka, tapi marika itoe satoe persatoe soeda djadi sanget lela. Orang-orang jang dapet loeka bersoesoen tindi di sakiter boekit; swara merinti kadengeran tiada poetoesnja, hingga bisa menerbitken
