— 1489 —
djang dengen lebi keras pada doea moesoenja itoe.
Lima poeloe djoeroesan soeda berlaloe, tapi belon kliatan ada jang menang atawa kala.
Ya Loet Sioe San liat begitoe lantas geprak koedanja dan niat maoe membantoe tapi Bong Loan djoega tiada berlakoe ajal, kerna begitoe ini Prins bergerak, ia poen lantas madjoeken koedanja.
„Biarlah marika itoe bertaroeng sampe ada jang mati!“ kata itoe kepala prang prampoean. „Tapi angkau tiada boleh membantoe, hanja moesti bertaroeng sama akoe!“
„Ja, ja, itoelah memang soeda tachdirnja boeat kau binasa di oedjoeng akoe poenja sendjata, binatang!“ menjentak Ya Loet Sioe San dengen sanget moerka. „Tapi inget, djanganlah kau berlakoe tjoerang seperti jang soeda-soeda.....“
Belon abis itoe Prins berkata, Bong Loan soeda angkat toembaknja menoekoek orang poenja peroet, baek djoega Ya Loet Sioe San bisa berlakoe sebet aken menangkis itoe serangan jang datengnja sebagi kilap, kaloe tiada tentoe proetnja aken djadi petja kena di toesoek.
Sasoedanja bertempoer bebrapa djoeroesan, Bong Loan sampok sendjata moesoenja. Ia kata: „Sasoenggoenja angkau ada sanget gaga!“
Dengen itoe perkata'an Bong Loan biloekin koedanja dan teroes melariken diri, perboeatan mana
