— 1484 —
panggil Pe Soa Tjiang, koenjoeng-koenjoeng kadengeran swara tamboer dan gembreng. Berbareng dengen itoe, dari djoeroesan Timoer ada mendatengin satoe pasoekan balatentara, jang dipimpin oleh tiga panglima prang. Tiada lama barisan itoe dateng semingkin deket dan mengandang ditenga djalan, kelakoean mana sebagi djoega ia maoe oendjoek, orang tiada boleh liwat di itoe tempat dengen tiada bertaroeng lebi doeloe.
Doea panglima moeda kaloear dari dalem itoe barisan seraja menangtang prang.
„Hoan Tjiang!“ kata sala satoe dari itoe doea panglima. „Kita orang sengadja menoenggoe di sini hendak binasaken padamoe!“
„Diam, bangsat!“ treak Prins dengan sanget moerka dan madjoeken koedanja. „Ini malem akoe sengadja maoe prang dengen mati matian! Bila akoe belon dapet boenoe seantero panglima prang Song, hatikoe tiada merasa poeas!“
Sembari kata begitoe Prins Ya Loet lantas menjerang dengen sendjatanja, jang mana sigra ditangkis oleh itoe doea ponggawa tadi. Tapi pertempoeran ini tiada berdjalan lama, kerna baroe sadja bebrapa djoeroesan, itoe doea panglima sigra melariken diri.
Panglima satoenja poela jang berpakean serba poeti, koetika liat kawannja lari djoega toeroet lari. Tentara Pak Hoan tempo liat moesoenja
