— 1475 —
jang binasa dalem itoe katjilaka'an ada sanget besar djoemblanja. Antaranja jang soeda terloepoet dari itoe bahaja bisalah melariken diri aken menoeloeng djiwanja.
Tjio Lo-ija koetika dapet itoe kabar djadi girang sekali, maka dengen satoe barisan ia lantas boeka pintoe kota sebla Salatan, di mana Tjio Hoaij Giok dan Tjeng Bwe lantas masoek ka dalem kota, taro itoe sekalian sendjata di goedang negri.
Tjio Tjong Tien djadi semingkin girang dan hendak boeka perdjamoean aken mengasi slamat atas itoe kamenangan, tapi Tjeng Bwe laloe berkata: „Boeat ini waktoe kita orang blon ada itoe tempo boeat doedoek berdja moe; selagi hendak brangkat Goanswe ada pesen padakoe, kaloe soeda taro itoe sekalian sendjata di dalem kota, salekasnja ia minta Tjio Sianhong dan akoe pergi ketemoeken padanja di pasanggrahannja, di tepi soengai Hek Ho. Maka dari itoe, marilah kita orang brangkat ka sana.“
Mendengar begitoe, Tjio Hoaij Giok djoega tiada brani berlakoe lambat, maka begitoe lekas ia soeda kloear lagi dari dalem kota Gan Boen Koan.
Di satoe tempat ia orang bertemoe sama Beng Jang, Tjiauw Eng, The Tok dan Ouw-jan Peng, itoe ampat panglima bercentoeng soeda bisa dapet tangkep bebrapa panglima prang moesoe.
Marika itoe sigra brangkat ka tepi soengei Hek Ho, ka panggrahannja Bong Loan.
