— 1473 —
Tapi boeat ka doea kalinja, Bong Loan atoer laen roepa; betoel di bagian loear ada di taro djoega itoe kertas-kertas seperti doeloean, tapi di dalemnja ada ditaro bebrapa Te Loei (bom) jang bisa meledak.
Di sini pembatja dapet kenjata'an, taktiknjan itoe kapala prang prampoean sanget bagoes, dan soeda kedjadian di loear orang poenja doega'an.
Wa Dji Tjeng dan laen-laen kawannja, koetika dalem peprangan jang ka doea kombali telah rampas itoe gerobak-gerobak prang, dan sebab mengira isinja poen seperti jang soeda, maka dengen tiada di preksa lagi lantas di bakar.
Bom jang ada di dalem itoe gerobak sigra meledak, dan letoesannja ada menjiarken api terbang di sana sini. Gerobak-gerobak laen poen soeda di bakar, hingga sabentaran sadja di sapoeter kota telah terbit kebakaran besar.
Panglima dan tentara Pak Hoan djadi kalang kaboetan, sabisa-bisa marika maoe menoeloeng aken pademken itoe api tapi pertjoema sadja. Sedeng marika itoe keroepoėkan, koenjoeng-koenjoeng kadengeran swara meriam jang di pasang beroentoen-roentoen. Berbareng dengen itoe, dari ampat pendjoeroe barisannja The Tok, Ouw-jan Peng, Beng Jang dan Tjiauw Eng dateng menerdjang.
Sekarang itoe ampat ponggawa baroe dapet ke-
