— 1459 —
„Sasoenggoenja akoe merasa sakit hati sama itoe prempoean doerhaka,“ kata Ko Kong, „boleh di bilang ia dan tjoetjoenja jang soeda mendjadi ratjoen dalem kita orang poenja oeroesan roema tangga; boeat berbagi-bagi kasoesahan jang akoe dapet, itoelah sama sekali akoe tiada pikirken, tapi akoe merasa sanget tiada senang, kaloe oeroesan dalem roema tangga soeda djadi kalang kaboet.“
„Oeroesan itoe boekan Soen Nio jang berdosa, hanja akoe sediri,“ kata So Nio,„sebab kaloe itoe waktoe akoe tiada kasi pikiran boeat Lo Ya menika lagi, brangkali tiada nanti kedjadian perkara sematjem itoe.“
Ko Kong mengela napas. Lebi djaoe itoe orang bangsawan kasi taoe djoega, begimana dalem roema tangganja Kau djoega menampak berbagi- bagi katjilaka'an jang tiada enak dari perboeatannja Kwe Si, dan kasi taoe djoega, kaloe itoe prempoean temaha dan kontjonja sekarang ada di dalem praoe dan aken di bawa ka kota radja.
Selagi beromong-omong dengen membawa boengkoesan The Koen, masoek ka dalem. Ia kata: „Inilah ada boengkoesannja Ong Ma, dalem mana ada berisi banjak oewang dan barang permata.“
„Itoe semoea tentoe di dapet dengen djalan jang tiada halal,“ kata Pang Hoedjin, esok The
