— 1443 —
pekata'an ada mengasi liat ia poenja pengrasa'an
takoet, sedeng badannja djoega bergoemeter keras.
„Akoe ketemoe padanja di tenga djalan; sekali- kali kita tiada bikin tjilaka padanja, sebagimana baroesan Tjiangkoen kata, hanja lantaran mabok ia terpleset laloe katjemploeng ka dalem aer." Djoesta!" menjentak The An Gin.
„Betoel, kita orang tiada mengeniaja padanja, hanja itoe katjilaka'an terbit lantaran alpanja sendiri," kata Kwe Si jang tjoba maoe menjangkal dari perboeatnja.
„An Gin berdiam sabentaran, kerna koetika itoe mendadak ia dapet pikir apa-apa. Koetika ajahnja baroe sampe di Leng Lam, orang toea itoe telah bertjerita pandjang lebar tentang keada'an dalem roema tangganja familie Kou di Djin Ho; begimana Kwe Si soeda lakoeken berbagi- bagi perboeatan jang kedji atas dirinja Kou Kongtjoe dan Siotjia, sampe kamodian keada'an dalem roema tangga itoe djadi koesoet dan bertjerei berei. Sekarang Kwe Si ada di sini, ia rasa baek kaloe di bawa pada Ko Kong, soepaja itoe bangsawan bisa mengambil sikep jang penting aken kasi tegoran keras pada itoe njonja, jang haroes di seboet ada pegang rol iboe tiri jang kedjem.
Begitoe dapet ini pikiran, ia lantas berkata pada itoe anak praoe: "Boeat menoeloeng itoe orang jang soeda katjemploeng ka dalem aer, inilah
