— 1433 —
Dalem ini praoe itoe tiga orang dapet rawatan sebagimana pantes, kerna itoe njonja bangsawan merasa sanget kasian pada itoe tiga orang maka ia soeda pesen pada boedjang-boedjangnja aken djangan bikin telantar pada itoe tiga penoempang.
Tatkala belajar doea hari lamanja, pada satoe malem itoe praoe telah sampe di plaboean Po Tjoe Tan, di mana pada koetika itoe dalem plaboean terseboet ada banjak berkoempoel praoe.
Itoe praoe-praoe jang soeda belaboe lebi doeloe satoe persatoe ada pake bendera; di atoernja rapi, hingga tjoema laksamana jang paling pande sadja bisa berboeat begitoe roepa.
Kandaran-aer itoe jalah ada praoe-praoe jang moeat berisannja Tjo Goanswe, jang pada itoe hari brangkat dari plaboehan Lim-Peng telah sampe di itoe tempat. Paling depan, dalem satoe praoe besar, jalah ada kandarannja itoe kapala prang, sedeng di paling boentoet dari praoe-praoe laen, jalah kandarannja Ko Kong bersama The Koen dan laen-laennja lagi.
Ini praoe jang baroe sampe, jang ada njonja bangsawan, telah belaboe di deket praoenja Ko Kong.
Tatkala itoe, seabisnja makan nasi Kwe Si djalan-djalan di blakang praoe, di mana Tjo Mama lebi doeloe soeda ada di sitoe. Ini prempoean
