— 1430 —
pan orang seraja berkata: Tahan doeloe! Njonja sama akoe kenal baek, lagi bertetangga satoe sama laen, moestail dalem ini kasoesahan kau tiada bisa membri pertoeloengan? Akoe liat kau poenja boengkoesan kaliatannja begitoe berat, maka akoe doega tentoe kau bawa banjak oewang; seande kau takoet itoe oewang tiada di ganti, peganglah akoe poenja boengkoesan. Akoe ingin bisa tjepet sampe di kota radja, di mana akoe brani pastiken, begitoe lekas akoe nanti dapet pertoeloengan dari familiekoe di sana.“
Ong Ma meliat kalakoean itoe lantas mengela napas. Ia boeka boengkoesannja seraja berkata: „Demi Allah akoe bersoempa, dalem akoe poenja boengkoesan ini tjoema ada bebrapa poeloe tail perak sadja, maka tjara begimana akoe bisa menoeloeng pada kau. Tapi, ia, apa boleh boeat, kaloe kau tiada poenja ongkost, kita sama-sama dari satoe kota, marilah kita orang bersama-sama djalan kaki sadja, sedeng boeat ongkost di djalan dengen ini oewang tjoekoeplah boeat kita bertiga sampe di sana.“
Sasoedanja Ong Ma kasi oendjoek oewang jang ada di dalem boengkoesannja, baroelah itoe doea orang pertjaja, bahoea ia itoe liada bitjara djoesta.
Kwe Si dan Tjo Mama njataken setoedjoe, maka tiga orang itoe lantas brangkat djalan. Sorenja itoe tiga orang sampe di pinggir plaboean, di mana
