— 1406 —
Perdjamoean itoe kaliatan ada menggirangken hatinja semoea orang.
„Sekarang keada'an di Selatan soeda djadi aman kombali, esok akoe nanti persembaken soerat sama Sri Baginda Keizer, jang mana tentoe aken djadi sanget girang," kata Kioe Tjian-swe. Djoega akoe aken berikoetken satoe soerat, terangken Ko Kong poenja djasa soepaja Baginda bebasken ia poenja kadosa'an serta dilepasken dari hoekoeman ini.”
„Tapi toch memang sabenernja Tin Kok Ong tiada berdosa satoe apa, ia soeda difitena oleh dorna-dorna jang senantiasa membentji padanja,” kata Tjo Goanswe.
„Apa Goanswe taoe betoel hal itoe?” menanja Kioe Tjianswe sambil pandang moekanja itoe kapala prang. „Siapa di antara Ko Kong poenja moesoe-moesoe jang soeda mengenjaja padanja?”
„Lu Kok Tjaij, itoelah dorna jang teroetama ada mendjadi ia poenja moesoe. Djoega itoe orang jang soeda membikin Ko Kong poenja nama dan kahormatan jang poeti bresi djadi roe- sak.” kata poela Tjo Goanswe, jang sateroesnja lantas tjeritaken, begimana matjem itoe dorna soeda bekerdja, sampe kamodian Ko Teng Tjan menampak itoe hoekoeman.
Mendenger itoe tjerita Kioe Tjianswe kaliatan
