— 1403 —
ken poetranja dari itoe bahaja jang di perboeat oleh menoesia jang terkoetoek. Tapi kendatipoen akoe tiada beroetang boedi apa-apa, tapi sebagi kawadjibnja menoesia, jang idoep di doenia aken toeloeng menoeloeng pada sesamanja, biar poen siapa djoega, kaloe dapet kasoesahan, asal bisa, tentoelah akoe moenoeloeng sebagimana moestinja.”
„Sian Sioe Djin itoe orang apa?” menanja Kioe Tjianswe.
„Ia ada saorang miskin, toentoet pengidoepan ketjil. Tempo-tempo ia soeka dateng djoega di pasar An Tin, aken mengobatin orang sakit atawa ramal-ramalken orang poenja proentoengan.”
—„Apa ia Sinshe?”
—„Boekan.”
—„Selama itoe begimana kau bisa idoep? Lagi tjara begimana Song In soeda bisa dapet peladjaran silat, ilmoe soerat dan laen-laen?”
—„Tempo adjak Kongtjoe melariken diri, akoe ada bekel oewang kira-kira sariboe tail perak banjaknja, oewang sebagian ada oewang simpenannja akoe poenja 'nso; koetika akoe tinggal di roemanja Sian Sioe Djin, oewang itoe sebagian di goenaken boeat berniaga, sebagian boeat beli sawa dan laen-laen. Perdagangannja Sioe Djin semingkin hari djadi semingkin madjoe, hingga achir-achir familie itoe djadi saorng hartawan,
