— 1401 —
Gagoe, jang sasoedanja makan itoe obat lantas sedar dari pangsannja. la moentaken banjak dara, antara mana sakoempoelan dara item boelet dan matjemnja seperti telor.
„Oh, kenapa akoe djadi begini!" treak Djim Sioe Tji, jang dengen sakoenjoeng-koenjoeng lantas bisa mengomong.
„Adjaib!" treak semoea orang dengen merasa sanget gegetoen, kerna merasa sanget heran orang gagoe dengen mendadak lantas bisa bitjara.
Sasoenggoenja The Tjongkoan poenja pili dewa sanget moestadjeb, serta haroes diseboet obatnja Allah!" kata Kioe Tjianswe dengen sanget kagoem.
Samentara itoe Djim Sioe Tji memandang pada semoea orang, dan marika itoe satoe persatoe ia membri hormat, serta oetjapken perkata'an tetes dan terang.
Girangnja Song In itoe koetika tiada bisa diseboetken lagi.
Djim Sioe Tji poenja rasa girang, dari gagoe sampe djadi bisa mengomong, itoe poen tiada oesa kita seboetken lagi. Tegesnja pengrasahannja, seperti soeda mati idoep kombali.
„Djim Sianseng," kata Kioe Tjianswe sambil tersenjoem, tadi sebab kau tiada bisa bitjara, soeker sekali boeat kita orang mendapet taoe tentang kau poenja berbagi-bagi ketrangan da-
