— 1388 —
Ko Kong kaliatan ada perhatiken hal itoe, ia
liatin itoe sakoempoelan pakean anak-anak sembari mengamat-amatin hal hal jang kedjadian
doeloe, ia pandang moekanja si Gagoe dan achir-
achir dapet inget pada Sioe Tji, jang roepanja
mirip seperti itoe orang.
„Apa tiada boleh djadi ini orang jaitoe Djim Sioe Tji, jang akoe poengoet koetika masi ketjil, dan dipakerdjaken sama satoe prempoean toea dalem kebon dari koeboerannja akoe poenja familie?" begitoelah ini orang bangsawan berpikir dalem hatinja sendiri.
Sedeng kata begitoe ia pandang moekanja Song In, lagi-lagi ia dapet kenjata'an, roepanja itoe orang moeda ada mirip seperti roepanja Lee So Nio.
„Brangkali ini pamoeda jalah akoe poenja Song In," kata poela Ko Kong dalem hatinja. Tjoema sajang ini orang Gagoe, hingga membikin soeker aken orang bisa memastiken kabenarannja itoe oeroesan familie."
Samentara itoe si Gagoe masi tinggal teroes dengen tjaranja sebagi tadi; sabentar-bentar ia pegang tangannja Ko Kong dan pegang tanganja Song In. tangannja sendiri ia atjoeng-atjoengken.
„Ini orang toea jalah kau poenja ajah, Kongtjoe," begitoelah si Gagoe maoe kata, „dari roema akoe ikoetin kau sampe di sini perloenja tjoema boeat
