— 1378 —
Beginilah adanja akoe poenja. kabar pada
ajah. Sabisanja harep ajah soeka bersabar
sampe datengnja itoe waktoe, di mana akoe
nanti bikin peritoengan sama ajah poenja
moesoe-moesoe.
Dari anakmoe jang tertjinta:
- KO BONG LOAN."
Kaget dan girang ada terasa betoel-betoel dalem
hatinja itoe orang bangsawan seabisnja batja itoe
soerat, seperti orang kasima ia bengong sakeana
lama sambil pegangin itoe soerat.
,,Begimana, Siokhoe?" menanja Tjo Goanswe kamodian. „Apa kabar dalem boenjinja soerat itoe?"
Ko Kong tiada menjaoet, tapi ia lantas kasiken itoe soerat di tangannja itoe Generaal moeda.
„Oh, Allah! treak Tjo Goanswe sambil mengoeroet dadanja. Matakoe boeta, tiada bisa bedaken keada'an lelaki dan prampean! "Kaloe begitoe Loan Bong Ko jalah Ko Bong Loan. Oh, itoe nona soenggoe adjaib!"
Semoea panglima prang koetika dapet taoe hal itoe rata-rata djadi kamekmek dan merasa sanget gegetoen.
Kamodian marika itoe satoe persatoe lantas mengasi slamet pada Ko Kong. Tapi ini orang bangsawan samboet itoe pembrian slamet dengen tjara jang adem sekali. Ia
