— 1352 —
„Kaloe kita brangkat dengen groeboekan tentoe sadja moesoe bisa mendapet taoe, tapi kita haroes bekerdja dengen aloes,” saoet itoe Koensoe, „di blakang goenoeng ada satoe djalanan ketjil jang bisa menemboes kaloear, kita boleh kaloear dari sitoe dan moesoe tentoe tiada mendapet taoe.”
„Abis ini sekalian tentara jang masi ada begimana?”
„Dengen berterang kasi taoe pada marika itoe, bahoea kita tiada bisa landjoetken ini pekerdja'an boeat di ini tempat, lantaran kita poenja ka doedoekan ada terantjem bahaja heibat dari fihaknja tentara negri, maka salekasnja moesti oendoerken diri dari sini. Marika di minta soepaja marika itoe soeka bersetia teroes dan mengikoet pada kita pinda ka laen tempat. Inilah ada akoe poenja pikiran, belon taoe Taij Ong bisa moefaket atawa tiada? Akoe mengasi pikiran begini, sebab meliat kita poenja keada'an soeda tiada bisa di harep lagi; biar begimana djoega boeat ini waktoe kita tiada bisa berboeat apa apa lagi aken toeloeng kita poenja diri dari serangannja moesoe.”
Itoe kepala begal njataken setoedjoe dengen bitjaranja Pa Koensoe, maka Thian Poet Pa lantas panggil sekalian rahajatnja, jang masi ada berdjoembla kira-kira doea riboe orang lebi.
Pada marika itoe ini kepala begal njataken{{Ko Teng 1jan
